Ratan Tata: रतन टाटांच्या ड्रीम प्रोजेक्टला ब्रेक लावणे ममतादीदींनी पडले होते भारी, द्यावे लागले होते 766 कोटी!

जगप्रसिद्ध टाटा उद्योगसमूहाचे मानद अध्यक्ष रतन टाटा यांचं वयाच्या 86व्या वर्षी मुंबईत निधन झालं. व्यावसायिक यशाबरोबरच ते नम्र स्वभाव आणि परोपकारासाठी ओळखले जात होते. भारतीय ऑटोमोबाइल क्षेत्रात त्यांचं महत्त्वाचं योगदान आहे. आपल्या देशातल्या सर्वसामान्य व्यक्तीलाही कार खरेदी करता यावी, असं त्यांचं स्वप्न होतं. त्यासाठी त्यांनी 'टाटा नॅनो' कारचं स्वप्न पाहिलं; पण या कारच्या प्लांट उभारणीसाठी टाटांना मोठा कायदेशीर लढा द्यावा लागला होता. प्रदीर्घ काळ चाललेल्या कायदेशीर लढ्यात 2023मध्ये टाटांचा विजय झाला होता. पश्चिम बंगाल सरकारने टाटा मोटर्सला 766 कोटी रुपये द्यावेत, असा आदेश कोर्टाने दिला होता. हे प्रकरण नेमकं काय होतं?