Gold : 22 कॅरेट की 24 कॅरेट, कोणतं सोनं गुंतवणूकीसाठी चांगलं? तुम्हाला पण असाच प्रश्न पडलाय? मग आता होईल कन्फ्यूजन दूर

भारतात सोनं हे केवळ एक दागिना नाही, तर तो आपल्या संस्कृतीचा आणि कुटुंबाचा आधार मानला जातो. मुलीचं लग्न असो, दिवाळीची खरेदी असो वा संकटकाळी मदतीचा हात, आपण सर्वात आधी सोन्याचा विचार करतो. पण जेव्हा आपण सोन्याच्या दुकानात जातो, तेव्हा सराफ आपल्याला विचारतो की "22 कॅरेट (22K) हवंय की 24 कॅरेट (24K)?" कधीकधी तर सोनारच सजेस्ट करतात की तुम्ही 22 कॅरेट सोनंच घ्या. पण अशावेळी अनेकदा लोक कन्फ्यूज होतात की नक्की करायचं काय? किंवा कोणती डिल फायद्याची?

अनेकांना वाटतं की 24 कॅरेट म्हणजे सर्वात शुद्ध सोनं, मग 22 कॅरेट कशासाठी? गुंतवणुकीसाठी नक्की कोणतं सोनं फायद्याचं ठरेल? या प्रश्नांची उत्तरं शोधण्यासाठी आपण वर्ल्ड गोल्ड कौन्सिल (WGC) आणि ब्युरो ऑफ इंडियन स्टँडर्ड्स (BIS) च्या माहितीच्या आधारे हा खास रिपोर्ट तयार केला आहे.

24 कॅरेट आणि 22 कॅरेटमध्ये नक्की फरक काय?सोन्याची शुद्धता मोजण्याचं एकक म्हणजे 'कॅरेट'. सोन्याची शुद्धता जितकी जास्त, तितका त्याचा भाव जास्त.

24 कॅरेट (24K Gold) - 99.9% शुद्धहे सोन्याचं सर्वात शुद्ध रूप आहे. यात इतर कोणत्याही धातूची भेसळ नसते. हे सोनं खूप मऊ (Pliable) असतं आणि त्याचा रंग गडद पिवळा असतो.ते इतकं मऊ असल्यामुळे यापासून नाजूक दागिने बनवता येत नाहीत, कारण ते सहज वाकले जाऊ शकतात. याचा वापर प्रामुख्याने सोन्याची नाणी आणि बिस्किटे (Gold Bars) बनवण्यासाठी होतो.

2. 22 कॅरेट (22K Gold) - 91.6% शुद्धआपण दागिन्यांच्या दुकानात जे सोनं पाहतो, ते बहुधा 22 कॅरेटचं असतं. यात 91.6 % सोनं आणि उरलेलं 8.4% तांबे, जस्त किंवा निकेल यांसारखे धातू मिसळले जातात. इतर धातूंच्या मिश्रणामुळे हे सोनं कडक आणि टिकाऊ बनतं.वापर: लग्नाचे जड दागिने, बांगड्या किंवा चैन बनवण्यासाठी 22 कॅरेट हेच सर्वात उत्तम मानलं जातं. यालाच '916 हॉलमार्क' असंही म्हणतात.

गुंतवणूक म्हणून 24 कॅरेट सोन्याची नाणी किंवा बिस्किटे खरेदी करणे कधीही फायद्याचे ठरते. कारण जेव्हा तुम्ही दागिने विकायला जाता, तेव्हा तुम्हाला दिलेले 'मेकिंग चार्जेस' परत मिळत नाहीत. मात्र, बिस्किटांच्या बाबतीत तुम्हाला सोन्याच्या पूर्ण किमतीचा फायदा मिळतो.

डिजिटल गोल्ड आणि गोल्ड बाँड्सआजच्या डिजिटल युगात प्रत्यक्ष सोनं घरात ठेवण्यापेक्षा 'सोव्हरेन गोल्ड बाँड्स' (SGB) हा गुंतवणुकीचा सर्वात सुरक्षित आणि फायदेशीर मार्ग मानला जातो. यात सोन्याच्या वाढत्या भावासोबतच तुम्हाला सरकारकडून दरवर्षी 2.5% व्याजही मिळतं.

खरेदी करताना 'हे' नक्की तपासातुम्ही 22 कॅरेट सोनं घ्या किंवा 24 कॅरेट, त्यावर 'BIS Hallmark' चिन्ह असल्याची खात्री करा. हॉलमार्किंगमुळे तुम्हाला सोन्याच्या शुद्धतेची हमी मिळते आणि भविष्यात ते विकताना फसवणूक होत नाही.

जर तुम्हाला दागिने घालून मिरवायचे असतील, तर 22 कॅरेट निवडा. पण जर तुम्हाला फक्त पैशांची बचत आणि गुंतवणूक करायची असेल, तर 24 कॅरेट नाणी किंवा डिजिटल गोल्ड हाच सर्वात 'स्मार्ट' पर्याय आहे.