Gold Jewellery घ्यावी की Gold Coins? दोन्ही पैकी बेस्ट काय? 90% लोकांना माहितीच नाही

आपल्या भारत देशात कोणत्याही शुभ प्रसंगी सोनं खरेदी करण्याची परंपरा आहे. आजच्या काळात गुंतवणुकीच्या अनेक पद्धती आल्या आहेत, शेअर बाजार, म्युच्युअल फंड सर्वच उपलब्ध आहे. पण सुरक्षित गुंतवणूक करायची असली की लोक हे सोन्याकडे वळतात.

खरंतर 2026 मध्ये जागतिक बाजारात सोन्याच्या किंमती या गगणाला भिडल्या आहेत. अशावेळी पैसे हे योग्य पद्धतीने गुंतवणे खुप गरजेचं असतं. तसंच सर्वात चांगलं रिटर्न मिळवण्याची पद्धत कोणती आहे? सुंदर सोन्याचे दागिने खरेदी करावे की मग ठोक सोन्याचे नाणे खरेदी करावे? चला जाणून घेऊया की, कोणता गुंतवणूक ऑप्शन सर्वात चांगला आहे. भविष्यात तुम्हाला कुठे जास्त फायदा होतो.

ही तुलना का? : सोन्याचे दागिने खरेदी करावेत की सोन्याचे नाणे की बिस्किट खरेदी करावे? अनेक लोकांना वाटतं की या दोन्हीमध्ये सेम फायदा होतो. तुम्ही एक सुंदर डिझायनर हार खरेदी केली तर तुम्हाला भविष्यात सोन्याचं नाणं खरेदी केल्यासारखाच फायदा मिळेल. पण वास्तवात यात मोठा फरक आहे.तुम्ही तुमच्या मनातील हा तर्क दूर केला नाही तर तुम्हाला दीर्घ काळात लाखोंचं नुकसान होऊ शकतं. टाइम्स ऑफ इंडियाच्या एका आर्टिकलनुसार, जाणून गेऊया की, कोणत्या रुपात खरेदी केलेलं सोनं भविष्यात जास्त फायदा देते.

सुंदर हारची किंमत : तुम्ही एखाद्या शोरूममध्ये जाऊन आकर्ष सोन्याची चेन खरेदी केली तर फक्त सोन्याचं मूल्य नाही तर मूल्यह्रास आणि निर्माण चार्जेंसही तुम्हाला अतिरिक्त फेडावे लागतील.दागिन्यांच्या डिझाइनच्या आधारावर हे शुल्क 8 टक्क्यांपासून सुरू होऊन 25 टक्के किंवा त्यापेक्षा जास्तपर्यंत जाऊ शकतात. या व्यतिरिक्त तुम्हाला 3 टक्के जीएसटी आणि शोरुम ब्रांडच्या नावासाठी उच्च प्रीमियमही द्यावा लागतो. खरं पाहिलं तर हे सर्व अतिरिक्त शुल्क दागिन्यांची सुंदरता आणि डिझाइनसाठी द्यावे लागतात. पण गुंतवणुकीच्या दृष्टीने पाहिल्यास, हे चार्जेस रिसेलच्या वेळी भरले जात नाहीत, म्हणून तुम्ही गुंतवणूक केलेल्या सोन्याचे मूलभूत मूल्य वाढत नाही.

जुने दागिने विकल्यावर काय होतं?: तुम्ही तुमचे सोन्याचे दागिने पैशांसाठी किंवा नवीन डिझाइन खरेदी करायची म्हणून मोडत असाल तर दुकानदार फक्त त्या दिवसाची सोन्याची किंमत पाहतो. तुम्हाला किती मेटिंग चार्ज आणि ब्रांड प्रीमियमसारखा खर्च झाला होता हे पाहत नाही आणि त्याचे पैसेही परत देत नाही. याव्यतिरिक्त काही प्रकरणांमध्ये डेप्रिसिएशनच्या नावार जास्त कपात केली जाते. म्हणजेच दागिने खरेदी करताना आपण दिलेल्या मेकिंगच चार्जेंजचा दागिने मोडताना काहीच फायदा होत नाही. तुम्हाला रिटर्नमध्ये मिळत नाही.

शुद्धतेचा मुद्दा : शुद्ध 24 कॅरेट सोने गरम असते. दागिन्यांसाठी ते वापरल्यास ते सहज वाकतं. म्हणूनच दागिने मजबूत असावे म्हणून त्यात तांबे, चांदी किंवा इतर धातू मिसळले जातात. यानंतर त्याची शुद्धता कमी होऊन 22 कॅरेट किंवा 18 कॅरेट राहते.

सोन्याचे नाणे की बिस्किट : तुमचं लक्ष्य हे संपत्ती वाढवणे असेल तर तुम्ही दागिन्यांऐवजी 24 कॅरेट शुद्ध सोनं खरेदी करावं. सोन्याचे नाणे किंवा बिस्किट नेहमी 24 कॅरेट (99.9 टक्के) च्या उच्च शुद्धतेसह येतात. किंमत ही फक्त शुद्ध धातूसाठी मोजली जाते. हे नाणे किंवा बिस्किट बनवण्याचा खर्च हा नाममात्र असतो.

म्हणजेच फक्त 1 टक्के ते 4 टक्केपर्यंत असतो. एवढंच नाही तर विकतानाही तुम्ही ते सध्या सुरू असलेल्या भावावर विकू शकता. यांच्य शुद्धतेवर कोणताच संशय नसतो. म्हणून गुंतवणूक शंभर टक्के सुरक्षित असते.

या दोन्हीमध्ये संतुलन कसं राखावं? : तुम्ही आयुष्यात कधीच दागिने खरेदी करू नका असा याचा अर्थ होत नाही. दागिने हे कौटुंबिक परंपरा आणि भावनांचे प्रतिक आहे. तुम्ही ते खरेदी करून आनंदाने घालू शकता. पण ज्यावेळी तुम्हाला गुंतवणुकीसाठी सोनं खरेदी करायचं असेल तर बिस्किट किंवा नाणे हे बेस्ट ठरतात.