KKR vs PBKS : पावसामुळे मॅचही गमावली पण केकेआरला होणार 18 कोटींचा फायदा, शाहरूखला कोलकात्यातच मिळाली गुड न्यूज!

पंजाब किंग्ज आणि कोलकाचा नाईट रायडर्स यांच्यात रोमांचक सामना ईडन गार्डन्सवर होणार होता. पण पावसामुळे सामना अखेर रद्द करावा लागला. ज्यामुळे दोन्ही संघाना 1-1 गुण मिळाले.

केकेआरला मॅच जिंकता आली पण त्यांना गुड न्यूज नक्कीच मिळाली आहे. आयपीएल 2026 मध्ये कोलकाता नाईट रायडर्ससाठी श्रीलंकेतून एक आनंदाची बातमी समोर येत आहे.

श्रीलंकेचा वेगवान गोलंदाज मथीशा पथिराना आता दुखापतीतून सावरत असून त्याने नेटमध्ये बॉलिंग करण्यास सुरुवात केली आहे. त्याच्या प्रगतीमुळे केकेआरच्या गोटात उत्साहाचं वातावरण पाहायला मिळतंय.

किंग खानला देखील कोलकात्यात याची माहिती दिली गेली. दुखापतीमुळे पथिरानाचा आयपीएल 2026 मधील सहभाग अनिश्चित मानला जात होता. टी20 वर्ल्ड कप 2026 दरम्यान पथिरानाला हॅमस्ट्रिंगची दुखापत झाली होती.

हॅमस्ट्रिंगच्या दुखापतीमुळे केकेआरच्या सुरुवातीच्या मॅचेसमध्ये तो खेळू शकला नाही. मात्र, आता त्याने पुन्हा सराव सुरू केल्याने तो लवकरच मैदानात परतण्याची शक्यता वर्तवण्यात येत आहे.

केकेआरने लिलावात 18 कोटी रुपयांची मोठी बोली लावून पथिरानाला आपल्या संघात सामील करून घेतले होते. तो श्रीलंकेचा आतापर्यंतचा सर्वात महागडा आयपीएल खेळाडू ठरला आहे.

दरम्यान, केकेआरची सर्वात मोठी अडचण म्हणजे बॉलिंग अटॅक... अशातच पथिराना पुढच्या आठवड्यापर्यंत पूर्णपणे फिट होऊन निवडीसाठी उपलब्ध होऊ शकतो, असं समजतंय. त्यामुळे केकेआरला याचा फायदाच होणार आहे.