पुणेकरांनो, जरा जपून! आता नवले पुलावर हायटेक पहारा; तुमच्यावर 24 तास असणार पोलिसांची नजर, मोठी अपडेट

पुणे: नवले पूल परिसरात वारंवार अनेक भीषण अपघात झाले आहेत. याच अपघातांची मालिका रोखण्यासाठी आणि वाहतूक कोंडीवर नियंत्रण मिळवण्यासाठी राष्ट्रीय महामार्ग प्राधिकरणाने (NHAI) मोठे पाऊल उचलले आहे. यात या संपूर्ण पट्ट्यात १४ सीसीटीव्ही कॅमेरे आणि ३ हायस्पीड गॅन्ट्री कॅमेरे बसवण्यात आले आहेत. हे कॅमेरे थेट पुणे पोलीस नियंत्रण कक्षाशी जोडले गेले आहेत. यामुळे आता या मार्गावर २४ तास 'रिअल-टाइम' मॉनिटरिंग करणे शक्य होणार आहे. त्यामुळे, पुणेकरांनी या मार्गावरून प्रवास करताना आता अधिक सावध राहाणं गरजेचं आहे.