ती वेळ आलीच! आज फेब्रुवारीतील शेवटचा मंगळवार, ५ राशींचा गोल्डन टाइम सुरू होणार

आज सूर्य–बुध युतीमुळे बुधादित्य योग, सूर्य–मंगळ युतीमुळे कुजादित्य योग आणि शुक्र–बुध संयोगातून लक्ष्मी नारायण योग तयार होत आहे. याशिवाय चंद्र उच्च स्थानावर असल्याने गौरी योगाची निर्मिती होत असून कृतिका नक्षत्राच्या प्रभावामुळे सर्वार्थ सिद्धी योगही लाभदायक ठरेल. या सर्व योगांचा एकत्रित परिणाम म्हणून मेष, वृषभ, कर्क, कन्या आणि तूळ राशींसाठी आजचा दिवस विशेष फलदायी ठरण्याची शक्यता आहे. २४ फेब्रुवारीच्या जन्मकुंडलीतील संकेत पाहता, या राशींना करिअर, आर्थिक व्यवहार, नाती आणि निर्णयक्षमतेत लाभ होऊ शकतो. मंगळवारी करण्याजोगे काही शुभ उपाय केल्यास या योगांचा परिणाम अधिक वाढू शकतो.

advertisement

मेष

मेष राशीसाठी आजचा दिवस उत्साहवर्धक ठरेल. मंगळ अकराव्या घरात असल्याने उत्पन्नात वाढ आणि नव्या संधी मिळण्याची शक्यता आहे. धाडसी निर्णय, तांत्रिक कामे आणि नाविन्यपूर्ण कल्पनांमुळे यश मिळेल. चंद्र दुसऱ्या घरात असल्याने आर्थिक नियोजन भक्कम राहील. जोडीदाराशी सुसंवाद वाढेल आणि कुटुंबात आनंदाचे वातावरण राहील.

वृषभ

वृषभ राशीच्या लोकांसाठी आजचा दिवस प्रगतीचा संकेत देतो. शुक्र कर्मस्थानात प्रभावी योग निर्माण करत असल्याने कामाच्या ठिकाणी जबाबदाऱ्या वाढतील, पण त्यासोबत मान-सन्मानही मिळेल. आर्थिक स्थिती मजबूत होईल. सर्जनशील उपक्रम, व्यवसाय विस्तार आणि गुंतवणुकीसाठी दिवस अनुकूल आहे. वैवाहिक व प्रेम जीवनातही समाधान मिळेल.

कर्क

कर्क राशीसाठी चंद्राचा प्रभाव आर्थिक लाभ देणारा ठरेल. व्यवसायात उत्पन्न वाढेल आणि महत्त्वाचे निर्णय घेतल्यास दीर्घकालीन फायदा होईल. सामाजिक संपर्क वाढतील. प्रतिष्ठित व्यक्तींचा पाठिंबा मिळेल. धार्मिक किंवा अध्यात्मिक विषयांकडे ओढ वाढू शकते. प्रवासाचे योगही लाभदायक ठरतील.

कन्या

कन्या राशीच्या लोकांसाठी भाग्यस्थानातील चंद्र शिक्षण, परीक्षा आणि बौद्धिक कामांसाठी शुभ आहे. अडकलेली रक्कम परत मिळण्याची शक्यता आहे. कायदेशीर बाबींमध्ये प्रगती होईल. वडिलांचा पाठिंबा लाभेल. वैवाहिक जीवनात स्थैर्य येईल आणि सासरकडून सहकार्य मिळेल.

तूळ

तूळ राशीसाठी आजचा दिवस संतुलन आणि यश देणारा ठरेल. करिअरमध्ये नवीन प्रस्ताव, भागीदारीत लाभ आणि आर्थिक व्यवहारात स्पष्टता मिळेल. कला, डिझाइन, सौंदर्याशी संबंधित क्षेत्रात काम करणाऱ्यांना विशेष फायदा होईल. नातेसंबंधात संवाद सुधारेल आणि मनःशांती लाभेल.

(सदर बातमी फक्त महितीकरिता असून न्यूज १८ मराठी कुठलाही दावा करत नाही)