Ganesh Chaturthi 2025: लाडक्या बाप्पाला घरी आणण्याचा सर्वात चांगला मुहूर्त; राहुकाळात चुकूनही करू नये स्थापना-विधी

गणेश प्रतिष्ठापनेचा शुभ मुहूर्त - या वर्षी गणेश चतुर्थीला गणपती बाप्पाच्या प्रतिष्ठापनेसाठी मध्यान्ह काळ (दुपार) सर्वात शुभ मानला गेला आहे. पंचांगानुसार, शुभ मुहूर्त सकाळी 11:05 ते दुपारी 12:20 पर्यंत असेल. काही पंचांगांनुसार, हा वेळ दुपारी 1:४० पर्यंत देखील वैध आहे. तर, काही ठिकाणी हा मुहूर्त सकाळी 11:23 ते दुपारी 1:54 पर्यंत असल्याचे म्हटले जाते. म्हणून, तुम्ही सकाळी 11 ते दुपारी 1:40 पर्यंत गणेश स्थापना करू शकता.

advertisement

राहुकाल वेळ - गणेश चतुर्थीला राहुकाल दरम्यान पूजा करणे अशुभ मानले जाते. हिंदू कॅलेंडरनुसार, राहुकाल दुपारी 12:22 ते 1:59 पर्यंत असेल. या काळात गणेश स्थापना किंवा कोणतेही शुभ कार्य टाळावे.

गणेश चतुर्थीचा शुभ चौघडिया मुहूर्त -

चौघडियानुसार गणपती बाप्पाला घरी आणण्यासाठी आणि प्रतिष्ठापनाची तयारी करण्यासाठी देखील वेळ महत्त्वाची आहे. पंचांगानुसार, सकाळी 7:33 ते 9:09 पर्यंत अमृत चौघडिया मुहूर्त मूर्ती आणण्यासाठी शुभ आहे. सकाळी 10:46 ते दुपारी 12:22 पर्यंत शुभ चौघडिया मुहूर्त सजावट आणि पूजेची तयारीसाठी सर्वोत्तम आहे.

मूर्ती प्रतिष्ठापनेचा क्रम - सकाळी 8 ते 9 या वेळेत अमृत चौघडिया मुहूर्तावर गणपती बाप्पाची मूर्ती घरी आणणे शुभ राहील. सकाळी 10:46 ते 11 या वेळेत पूजास्थळ तयार करा.

गणपतीच्या प्रतिष्ठापनेचा मुख्य मुहूर्त सकाळी 11:05 ते दुपारी 12:20 पर्यंत असेल.

राहुकाल (दुपारी 12:22 ते 1:59) दरम्यान कोणतेही शुभ कार्य करू नका.

गणपती प्रतिष्ठापनेचा नियम -

गणेश प्रतिष्ठापनेपूर्वी संपूर्ण घर पूर्णपणे स्वच्छ करणे आवश्यक आहे. घरात ठेवलेल्या जुन्या, तुटलेल्या किंवा निरुपयोगी वस्तू बाहेर काढा, कारण त्या नकारात्मक ऊर्जा निर्माण करतात. घरातील तुटली-फुटलेली मूर्ती असेल तर ती देखील विसर्जित करा. गंगाजल किंवा शुद्ध पाण्याने पूजास्थळ शुद्ध करणे शुभ मानले जाते.

प्रतिष्ठापनेचे ठिकाण आणि दिशा - गणपती बाप्पाची मूर्ती नेहमी ईशान्य दिशेला स्थापित करावी. मूर्ती उत्तरेकडे तोंड करून ठेवणे चांगले, कारण ती धन, सुख आणि समृद्धीची दिशा मानली जाते. गणेशाचे मुख घराच्या आतील बाजूकडे असावे, बाहेर नको.

बेस्ट पार्टनर..! दोघांच छान जमेल; 4,13, 22, 31 जन्मतारखा असणाऱ्यांचे लकी मूलांक

शुद्ध वातावरण आणि पवित्रता - मूर्ती स्थापित करण्यापूर्वी, ती जागा पूर्णपणे स्वच्छ करा आणि गंगाजल किंवा गोमूत्राने ती शुद्ध करा. त्यानंतर, त्या जागेवर लाल कापड अंथरु त्यावर तांदळाचे दाणे ठेवा आणि नंतर मूर्ती स्थापित करा. स्थापना करणाऱ्या व्यक्तीने शुद्ध आणि सात्विक जीवनशैली स्वीकारावी. या दिवसांत मांसाहारी अन्न, मद्य, लसूण आणि कांदा यांचे सेवन पूर्णपणे सोडून द्यावे.

पूजेची पद्धत - पूजेच्या वेळी स्वच्छ आणि धुतलेले कपडे घाला. अंतर्वस्त्रांमध्ये पूजा करणे अशुभ मानले जाते. मन, वाणी आणि आचार शुद्धतेची काळजी घ्या. गणेशाला दररोज धूप, दिवा, फुले आणि नैवेद्य अर्पण करा. मोदक, लाडू, फळे आणि पंचामृत अर्पण करणे विशेषतः फलदायी आहे. पूजा करताना "ओम गं गणपतये नम:" हा मंत्र जप करा आणि आरती करावी.

तुमच्या मोबाईल नंबरच्या शेवटी हा क्रमांक आहे? मुली-महिलांचे येतात जास्त कॉल्स

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)