साहील उर्फ अब्दुल शरीक कुरेशी अब्दुल कुरेशी असं गुन्हा दाखल झालेल्या आरोपीचं नाव आहे. त्याचा विवाह झाला असून त्याला मुलं देखील आहेत. तो नागपुरच्या चारखंभा चौकात पानटपरी चालवतो. असं असूनही त्याने एका १९ वर्षीय कॉलेजच्या तरुणीला आपल्या प्रेमाच्या जाळ्यात ओढलं होतं. तिला लग्नाचं आमिष दाखवून तिच्यावर अत्याचार केला. आरोपीनं एका ट्यूशन समोर तिच्याशी ओळख केली होती. यानेळी त्याने आपलं नाव साहिल शर्मा असल्याचं पीडितेला सांगितलं होतं.
advertisement
अत्याचार केल्यनंतर काही दिवसांनी आरोपीनं आपला पीडित तरुणीला टाळायला सुरुवात केली. शिवाय आपला फोनही बंद ठेवला. यामुळे पीडित तरुणीने आरोपीचा फोटो दाखवत आसपासच्या परिसरात आरोपीचा शोध घेतला, यावेळी आरोपीचं नाव साहिल नसून अब्दुल असल्याचं समोर आलं. यानंतर पीडित तरुणी आरोपीच्या घरी गेली असता, आरोपीचा विवाह झाल्याचं तिला समजलं. यानंतर पीडितेनं थेट पोलीस ठाण्यात जाऊन आरोपी विरोधात फिर्याद दाखल केली.
पोलिसांनी विविध कलमांतर्गत गुन्हा दाखल केला. हे प्रकरण उघडकीस आल्यानंतर आरोपीच्या पत्नीने देखील आरोपीविरोधात हुंड्यासाठी छळ केल्याचा गुन्हा दाखल केला. पोलिसांनी दोन्ही प्रकरणात विविध कलमांतर्गत गुन्हा दाखल करत आरोपीला बेड्या ठोकल्या आहेत. आरोपीनं यापूर्वीही अशाप्रकारे इतर तरुणींना फसवलं होतं का? याचा तपास पोलीस करत आहेत. एका विवाहित तरुणाने अशाप्रकारे कॉलेजच्या तरुणीला प्रेमाच्या जाळ्यात ओढून तिच्यावर अत्याचार केल्याने परिसरात खळबळ उडाली आहे.