TRENDING:
सीधी जिल्हा पोलिसांना जिल्हा रुग्णालयातून अशी माहिती मिळाली, की 15 वर्षांच्या एका तरुणीने बाळाला जन्म दिला आहे आणि ती त्या बाळाच्या वडिलांचं नाव सांगायला नकार देत आहे. तिचे नातेवाईकही काही सांगायला तयार नव्हते. ही माहिती मिळताच पोलीस तातडीने तिथे दाखल झाले. पोलिसांनी पीडित मुलीच्या कुटुंबीयांकडे या प्रकाराबद्दल चौकशी केली. तेव्हा त्यांनी मुलगी गर्भवती होण्यापासून तिला मूल होईपर्यंतची सारी कहाणी सांगितली. त्यानंतर पोलिसांनी मुलीचा जबाबही नोंदवला.
advertisement
त्या पीडित मुलीने पोलिसांना सांगितलं, की सुमारे वर्षभरापूर्वी तिची एका व्यक्तीशी ओळख झाली होती. आरोपीने नऊ महिन्यांपूर्वी तिच्यावर बलात्कार केला होता. काही महिन्यांनी जेव्हा शरीरात बदल होऊ लागले, तेव्हा तिला कळलं की ती गर्भवती आहे. त्यानंतर तिने जेव्हा त्याच्याकडे लग्नाचा विषय काढला, तेव्हा त्याने साफ नकार दिला. पीडिता म्हणाली, की तिने त्याच्यापुढे बऱ्याच विनवण्या करूनही त्याने तिचं म्हणणं ऐकलं नाही.
पीडितेने त्या आरोपी तरुणाचं नाव पोलिसांना सांगितलं आहे. त्यानंतर पोलिसांनी औपचारिकता पूर्ण करण्यासाठी हॉस्पिटलला नवजात बाळाच्या वडिलांचं नाव सांगितलं. त्यानंतर पोलिसांनी आरोपीविरोधात अनेक संबंधित कलमांतर्गत गुन्हे दाखल केले आहेत. पोलीस आरोपीचा शोध घेत आहेत.