TRENDING:
भारतामध्ये काही ठिकाणी सुरू असलेल्या अवैध वाळू उपसा प्रकरणावर हा चित्रपट आधारित आहे. संघर्ष, सत्ता आणि धमाकेदार ॲक्शन यांचा मिलाप असलेला 'सुबेदार' चित्रपट आहे. अभिनेता अनिल कपूर सूबेदार अनिल मोर्याच्या भूमिकेत असून त्यासोबत राधिका मदान, मोना सिंग, आदित्य रावल आणि सौरभ शुक्ला हे कलाकार प्रमुख भूमिकेत दिसणार आहेत. 'सुबेदार' चित्रपट 5 मार्च रोजी प्राइम व्हिडिओवर हिंदी, तमिळ आणि तेलुगू भाषेत संपूर्ण भारतात आणि जगभरात प्रदर्शित होणार आहे.
advertisement
ट्रेलरमध्ये चित्रपटातील अनेक लक्षवेधक सीन्सची झलक प्रेक्षकांना पाहायला मिळतेय. जे आपल्याला सुबेदारच्या रहस्यमयीन जगात घेऊन जाते. जिथे बेकायदेशीर वाळू उत्खनन सुरू आहे, अशा ठिकाणापासूनच ट्रेलरची सुरूवात होते. भयान शांतता असलेल्या या परिसरामध्ये, रिटायर्ड सुबेदार अर्जुन मौर्य आपल्या भूतकाळाच्या ओझ्याने घरी परततो. त्याला एका प्रिन्सची आणि दीदीची भेट होते. हे दोघेही खलनायकाच्या भूमिकेत आहेत. ट्रेलरमधल्या सर्वच डायलॉग्सने प्रेक्षकांची उत्सुकता शिगेला पोहोचवली आहे. खुर्चीला खिळवून ठेवणारं हे कथानक सध्या सोशल मीडियावर प्रचंड चर्चेत आलं आहे.
या चित्रपटाची कथा सुरेश त्रिवेणी आणि प्रज्वल चंद्रशेखर यांनी लिहिली आहे. यात अनिल कपूर आणि राधिका मदान मुख्य भूमिकेत झळकणार असून सौरभ शुक्ला, आदित्य रावल, फैजल मलिक आणि मोना सिंह या कलाकारांच्या प्रमुख भूमिका आहेत. ‘सुबेदार’चित्रपट 5 मार्च रोजी प्राईम व्हिडीओवर रिलीज होणार आहे.