काचेचे पॅनल, फिरता मार्बलचा जिना; पाकिस्तानात नाही, तर भारतातील 'या' गावात आहे हमजा-यालीनाचा आलिशान बंगला

भारतातील या भागात बनलाय हमजाचा व्हिला

धुरंधरमध्ये दाखवण्यात आलेला हा व्हिला पंजाबमधील अमृतसर येथे आहे. 23DC Architects या नामांकित कंपनीने इन्स्टाग्रामवर एक व्हिडिओ शेअर केल्यानंतर हे सीक्रेट रिव्हिल झालंय. 'धुरंधर'सारख्या एका भव्य फिल्ममध्ये आपला प्रोजेक्ट दाखवण्यात येणं, ही कोणत्याही कंपनीसाठी अतिशय मानाची गोष्ट आहे.

जे कोणालाच जमलं नाही, ते 'हमजा'ने करून दाखवलं! बॉक्स ऑफिसवर Dhurandhar 2 चा डंका

advertisement

फिल्म रिलीज झाल्यानंतर या कंपनीने याबाबत आनंद व्यक्त केला आहे. आर्किटेक्ट्सनी आनंद व्यक्त करताना लिहिलं की, "आदित्य धर यांच्या चित्रपटात आमचा 'आनंदा' प्रोजेक्ट पाहून खूप आनंद झाला. रणवीर सिंग आणि सारा अर्जुन यांच्या उपस्थितीने या घराला अधिकच जिवंतपणा आला आहे."

मॉडर्न पण तितकाच मिनिमल डेकॉर

फिल्ममध्ये दाखवण्यात आलेल्या या बंगल्याची रचना अतिशय क्लासी आणि आधुनिक आहे. होम डेकोरची आवड असलेल्यांसाठी ही उत्तम कलाकृती पाहणं ही एक पर्वणीच आहे. पडद्यावर दिसणाऱ्या या घराची काही खास वैशिष्ट्येही आहेत. या घराचं सर्वात मोठं वैशिष्ट्य म्हणजे इथे पारंपरिक विटांच्या भिंतींऐवजी मोठ्या काचेच्या पॅनेलचा आणि खिडक्यांचा वापर करण्यात आला आहे. यामुळे घराच्या कोनाकोपऱ्यात नैसर्गिक सूर्यप्रकाश खेळता राहतो. ऑफ-व्हाइट मार्बल फ्लोअरिंग आणि सूर्यप्रकाश यांचं कॉम्बिनेशन घराला एक शांत आणि रॉयल लूक देतं.

Dhurandhar 2 मधील अभिनेत्याला लागली लॉटरी, मिळाली रिषभ शेट्टीची बिग बजेट फिल्म! आता साऊथमध्ये घालणार राडा

इतकंच नाही, तर घराच्या मध्यभागी असलेला काळ्या रंगाचा फिरता मार्बलचा जिना हे या वास्तूचं मुख्य आकर्षण आहे. हलक्या रंगाच्या भिंती आणि जमिनीच्या पार्श्वभूमीवर हा गडद रंगाचा जिना घराचं सौंदर्य आणखीनच खुलवतं. 'लेस इज मोर' हा नियम इथे तंतोतंत पाळला गेला आहे. घर आलिशान असूनही तिथे फर्निचरचा पसारा नाही. मखमली सोफे, साध्या पण मोहक पेंटिंग्स आणि सिलिंगला लटकणारा क्रिस्टलचा झुंबर यामुळे घराला मॉडर्न टच मिळतो. घराच्या आत लावलेली झाडं आणि काचेच्या भिंतींमधून दिसणारी बाहेरची हिरवळ यामुळे घराच्या आत बसूनही निसर्गाच्या कुशीत असल्याचा फील मिळतो.