Shreya Ghoshal : जिच्या कॉन्सर्टमध्ये लोकं रडतात, ती Coldplay च्या प्रेमात, त्या गाण्यावर ढसाढसा रडली

सध्या सगळीकडेच कोल्डप्ले कॉन्सर्टची हवा वाहताना दिसतेय. यात श्रेया घोषाल कशी मागे राहील. सगळ्यांना आपल्या सुमधुर आवाजाने भुरळ घालणारी श्रेया यावेळी स्वतः कॉन्सर्टचा आनंद घेताना दिसली. यावेळी तिचे वडील विश्वजीत घोषाल आणि तिचा पती शिलादित्य मुखोपाध्यायही तिच्यासोबत होते. श्रेयाने या कॉन्सर्टमधील अनेक फोटो आणि व्हिडिओ चाहत्यांबरोबर शेअर केले आहेत.

या कॉन्सर्टमध्ये श्रेया कोल्डप्लेची गाणी 'ए स्काई फुल ऑफ स्टार्स', 'फिक्स यू' आणि 'पॅराडाइज' या गाण्यावर थिरकताना दिसली. एका क्लिपमध्ये तिच्यासोबत सलीम मर्चंटही दिसले.

advertisement

पोस्ट शेअर करताना श्रेयाने लिहिले की, "@coldplay साठी फक्त निखळ प्रेम. सर्वकाही जाणून घेण्यासाठी शेवटच्या व्हिडिओपर्यंत स्वाइप करा. अप्रतिम ख्रिस मार्टिन आणि त्याच्या बँडचा माझा दुसरा कॉन्सर्ट आणि तुम्ही मुंबईसाठी तुमची जादू चालवली आणि कशी! हा एक आश्चर्यकारक अनुभव होता, 'फिक्स यू'साठी मी माझे अश्रू रोखू शकले नाही."

पोस्टवर प्रतिक्रिया देताना, एक म्हणाला, “लोक श्रेयाच्या कॉन्सर्टचा आनंद घेतात आणि आता ती कोल्डप्ले कॉन्सर्टमध्ये खूश आहे, हे पाहून चांगले वाटले.” एक म्हणाला, “ओएमजी क्वीन, हे शेअर केल्याबद्दल खूप खूप धन्यवाद.” एका इंस्टाग्राम वापरकर्त्याने लिहिले, “मला आशा आहे की कोल्डप्लेला माहित असेल की महान श्रेया घोषाल त्याच्या कॉन्सर्टमध्ये सहभागी झाली होती.” एका व्यक्तीने कमेंट केली, “अरे! तुझी ही बाजू पाहून मन प्रसन्न झाले.”