Dombivli-Thane Bus: डोंबिवली- ठाणे प्रवास करण्यासाठी लोकलची कटकट गेली, कधीपासून सुरू होतेय बस; किती असेल भाडे?

बस केव्हापासून सुरू होणार?

डोंबिवलीकरांना ठाण्याला जाण्यासाठी लोकलच्या गर्दीतून जाण्याची एक टेन्शन कमी होणार आहे. केडीएमसी आणि टीएमसीकडून या मार्गावर पहिल्यांदाच बससेवा सुरू करण्यात येणार आहे. येत्या 4 मार्चपासून या बससेवेला सुरूवात होणार असून सकाळ आणि संध्याकाळच्या वेळेमध्ये विशेषत: ही सेवा प्रवाशांना पुरवली जाणार आहे. येत्या 4 मार्चपासून 40 सीटांच्या दोन बसेस डोंबिवलीकरांच्या सेवेमध्ये दाखल होणार आहेत. पीक अव्हरच्या काळामध्ये, प्रत्येकी 4 म्हणजेच एकूण 8 बस फेऱ्या सुरू होणार आहेत. यामुळे नोकरदार वर्गाला मोठा दिलासा मिळणार आहे. धक्काबुक्कीच्या प्रवासातून नोकरदारांना मोठा दिलासा मिळणार आहे.

advertisement

बसचा मार्ग कसा असेल?

डोंबिवली- ठाणे बससेवा ही, डोंबिवलीच्या मोठागाव सर्कलपासून ठाण्याच्या घोडबंदर रोडपर्यंत धावणार आहे. मोठागाववरून सुरू झालेली बससेवा मोठागाव- मानकोली पूल, मानकोली आणि माजिवाडा चौक असा या बसचा मार्ग असणार आहे. त्यामुळे डोंबिवलीवरून ठाण्याला प्रवास करणाऱ्यांना फायदा होणार आहे, अशी आशा व्यक्त केली जात आहे. स्वामी नारायण सिटी ते माजीवडा जंक्शनचं 14 किमी अंतर 55 मिनिटामध्ये बस पार करेल. स्वामी नारायण सिटीवरून पहिली बस सकाळी 07:15 वाजता सुटेल आणि शेवटची बस संध्याकाळी 06:45 वाजता सुटेल. त्या संपूर्ण काळात तासाला एक फेरी सुटेल. माजीवडावरून सकाळी 08:15 वाजता पहिली आणि संध्याकाळी 08:15 वाजता शेवटची बस सुटेल. त्या काळात तेथूनही प्रत्येक तासाला बस सुटेल. कमाल भाडे 5 आणि किमान 20 रुपये असेल.