Accurate BP Reading : मर्क्युरी की डिजिटल, बीपी तपासण्यासाठी कोणते मशीन योग्य? जाणून घ्या तज्ज्ञांकडून

डॉ. हामिद अशरफ यांनी सांगितले की, दोन्ही मशीन्स आपापल्या जागी योग्य आहेत, पण काळानुसार यात बदल झाला आहे. मर्क्युरी म्हणजेच पाऱ्याची मशीनऐवजी आता इलेक्ट्रॉनिक डिजिटल मशीनचा वापर जास्त होत आहे. अचूकतेच्या बाबतीत दोन्ही मशीन्स जवळजवळ सारखेच परिणाम देतात.

बीपी मोजण्याचा योग्य मार्ग..

रक्तदाब मोजताना काही गोष्टी लक्षात घेणे आवश्यक आहे. जर एखादी व्यक्ती चालून आली असेल, तर तिने 10 मिनिटे शांत बसावे आणि त्यानंतरच बीपी मोजावे. बीपी मोजताना हात कोणत्याही आधारावर ठेवावा. बीपी मशीन मर्क्युरी असो वा डिजिटल, दोन्हीचा वापर करून 10 मिनिटांच्या अंतराने तीन वेळा बीपी मोजले पाहिजे. तीन वेळा मोजल्यानंतर जी सरासरी रीडिंग येते, तीच मूळ रीडिंग मानली जाते. बीपी मोजण्यासाठी उजव्या किंवा डाव्या दोन्ही हातांचा वापर केला जाऊ शकतो.

advertisement

या गोष्टींचीही घ्या काळजी..

डॉ. हामिद अशरफ यांनी सांगितले की, बीपी मोजताना आणखी एका गोष्टीची काळजी घेतली पाहिजे, ती म्हणजे तुम्ही ज्या व्यक्तीचा बीपी मोजत आहात, ती व्यक्ती बारीक आहे की जाड. कारण बारीक व्यक्तीसाठी वेगळ्या कफचा आणि जाड व्यक्तीसाठी वेगळ्या कफचा वापर केला जातो. जर कफ योग्य नसेल, तर बीपीची रीडिंग अचूक येणार नाही. तसेच, बीपी मोजताना व्यक्तीने कोणत्याही प्रकारे बोलणे टाळावे आणि शांत राहावे.

अमेरिकन हार्ट असोसिएशन व्हॅलिडेटेड असणे महत्त्वाचे

डॉक्टरांनी सांगितले की, बाजारात अनेक डिजिटल बीपी मशीन्स उपलब्ध आहेत, पण त्या खरेदी करण्यापूर्वी ती मशीन अमेरिकन हार्ट असोसिएशनने व्हॅलिडेट केली आहे की नाही, हे तपासावे. कारण अशाच मशीन्स अचूक आणि योग्य रीडिंग देतात. या गोष्टींची विशेष काळजी घेणे महत्त्वाचे आहे. आजच्या डिजिटल युगात डिजिटल मशीनचा वापर सोयीस्कर असल्यामुळे तो जास्त केला जातो.

मशीनही असू शकते खराब

डिजिटल मशीनमध्ये बीपी मोजताना रीडिंगमध्ये 2, 4 किंवा 5 अंकांची तफावत आल्यास काही अडचण नाही. रीडिंग जवळजवळ सारखेच मानले जाते. पण जर 10 पेक्षा जास्त, म्हणजे 15 किंवा 20 अंकांची तफावत येत असेल, तर याचा अर्थ मशीन खराब आहे.