Gond Katira Vs Dink : दिसायला सारखे पण गुण वेगवेगळे! तुम्हाला गोंद कतीरा आणि डिंकातील 'हा' फरक माहितीये?

आज आम्ही तुम्हाला गोंद कतीरा आणि डिंक यांच्यातील महत्त्वाचे 2 फरक, त्यांचे फायदे आणि त्यांनाच आपल्या आहारामध्ये कसा समावेश करता येऊ शकतो. याबद्दल महिती देत आहोत. चला पाहूया.

डिंक आणि गोंद कतीरामधील फरक..

- गोंद कतीरा आणि डिंकामधील सर्वात महत्त्वाचा फरक म्हणजे त्याचे गुणधर्म. डिंक लहान, चमकदार आणि तपकिरी-पिवळ्या रंगाचा असतो. याचा गुधर्म उष्ण आहे. म्हणजेच डिंक शरीराला उब देतो. म्हणूनच डिंक हिवाळ्यात खाल्ला जातो.

advertisement

- याउलट गोंद कतीरा पांढरा किंवा हलका पिवळा रंगाचा असतो, तर याचा प्रभाव थंड असतो. गोंद कतीरा उन्हाळयात शरीर थंड ठेवण्यासाठी अत्यंत उत्तम नैसर्गिक पदार्थ आहे. याचा वावरही हिवाळ्यात खूप केला जातो.

- डिंक पाण्यात भिजवल्यावर विरघळतो आणि गरम तेलात तळल्यावर पॉपकॉर्नसारखे फुगतो. याउलट गोंद कतीरा पाण्यात भिजवल्यावर विरघळत नाही, तर पाणी शोषून घेतो आणि त्याच्या मूळ आकारापेक्षा कित्येक पट जास्त फुगतो.

डिंक आणि गोंद कतीराचे फायदे..

- डिंकामधे कॅल्शियम आणि प्रथिने भरपूर असतात. डिंक शरीराला शक्ती देतो आणि पोषण देतो. डिंक रोगप्रतिकारक शक्ती आणि सहनशक्ती वाढवतो.

- गोंद कतीरा उन्हाळ्याच्या तीव्र उष्णतेपासून आराम देतो. उन्हाळ्यात याचे नियमित सेवन केल्यास नाकातून रक्त येणे आणि उष्माघात अशा समस्या टाळता येऊ शकतात.

डिंक आणि गोंद कतीराचा वापर कसा करावा?

- डिंक पाण्यामध्ये विरघळवून किंवा तेलात तळून आणि फोडून याचा वापर केला जातो. डिंक हिवाळी लाडू, पंजिरी इत्यादी पदार्थ बनवण्यासाठी वापरला जातो.

- गोंद कतीरा वापरण्यापूर्वी तो काही तास पाण्यात भिजवावालागतो, जेणेकरून तो फुगून जेलीसारखे होईल. गोंद कतीरा हे सरबतांमध्ये टाकून पिण्यासाठी मोठ्या प्रमाणावर वापरले जाते. बरेच लोक ते लस्सीमध्ये टाकूनदेखील पितात.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.