54 रुपयांनी पेट्रोल महाग; तर LPG चे 300 रुपयांनी वाढले दर पण कुठे आणि मुंबई-पुण्यात काय स्थिती?

इराण आणि इस्रायलमधील संघर्षाचा मोठा फटका आता सर्वसामान्यांच्या खिशाला बसू लागला आहे. भारताचा शेजारी देश असलेल्या नेपाळमध्ये इंधनाच्या दरात एका रात्रीत ऐतिहासिक दरवाढ करण्यात आली. तिथे पेट्रोल आणि डिझेलच्या किमतीत तब्बल ५४ रुपयांपर्यंत वाढ झाली असून घरगुती गॅस सिलिंडरचे दरही ३०० रुपयांनी वाढले आहेत. नेपाळ ऑईल निगमने रविवारी रात्री उशिरा घेतलेल्या बैठकीनंतर इंधन दरवाढीचा मोठा निर्णय घेतला.

जागतिक बाजारात कच्च्या तेलाचा पुरवठा विस्कळीत झाल्याचे कारण देत नेपाळने ही दरवाढ लागू केली आहे. नेपाळमध्ये स्वतःची कोणतीही ऑईल रिफायनरी नाही, त्यामुळे नेपाळ आपल्या १०० टक्के इंधन गरजेसाठी भारतावर आणि इंडियन ऑईलवर अवलंबून आहे. जागतिक संकट काळातही इंधन पुरवठा सुरळीत ठेवल्याबद्दल नेपाळने भारताचे आभार मानले.

पेट्रोल: ३१ रुपयांनी महागले नव्या दरानुसार १८८ रुपये प्रति लीटर प्रति लीटर मागे मोजावे लागणार आहे

शेजारील देशात एवढी मोठी दरवाढ झाल्याने महाराष्ट्रातील वाहनचालकांच्या मनात धडधड वाढली आहे. मात्र, दिलासादायक बाब अशी की मुंबई आणि पुण्यात सध्या तरी पेट्रोल-डिझेलच्या दरात कोणतीही वाढ झालेली नाही. भारतात इंधन दर स्थिर असले तरी, आंतरराष्ट्रीय बाजारात कच्च्या तेलाच्या किमतीत होणारी चढ-उतार पाहता भविष्यात काय होईल, याकडे सर्वांचे लक्ष लागले आहे.

महाराष्ट्रात काही ठिकाणी 105 रुपये प्रति लीटर पेट्रोल आहे. तर मुंबई १०३.४४ डिझेलचे दर ८९.९७ रुपये आहेत. तर पुण्यातही १०५ रुपयांच्या आसपास पेट्रोलचे दर प्रति लीटर आहेत. डिझेल 91 रुपयांच्या जवळपास पोहोचलं आहे. सध्या महाराष्ट्रातील पेट्रोल डिझेलच्या दरात कोणतीही दरवाढ करण्यात आलेली नाही. दर स्थिर असल्याने लोकांना दिलासा मिळाला आहे. क्रूड ऑइलच्या दरात किंचित फरक झाला आहे. दर घसरले असून 103.01 डॉलर प्रति बॅरलवर पोहोचले आहेत.