Hospital ICU Fire: जिथं जीव वाचवायला गेले, तिथंच मृत्यूनं गाठलं! कटकमध्ये ICU मध्ये भीषण आग, १० जण ठार
- Written by:Shrikant Bhosale
Last Updated:
Fire Break Out Hospital : ओडिशातील कटक येथील प्रसिद्ध SCB मेडिकल कॉलेज आणि हॉस्पिटलमध्ये सोमवारी पहाटे भीषण आग लागल्याची धक्कादायक घटना घडली आहे.
कटक: ओडिशातील कटक येथील प्रसिद्ध SCB मेडिकल कॉलेज आणि हॉस्पिटलमध्ये सोमवारी पहाटे भीषण आग लागल्याची धक्कादायक घटना घडली आहे. या भीषण दुर्घटनेत १० रुग्णांचा होरपळून आणि गुदमरून मृत्यू झाला असून, ५ जणांची प्रकृती अत्यंत चिंताजनक आहे.
नेमकी घटना काय?
मिळालेल्या माहितीनुसार, रुग्णालयाच्या पहिल्या मजल्यावरील ट्रॉमा केअर इमर्जन्सी विभागातील ICU मध्ये पहाटे ३ च्या सुमारास अचानक आग भडकली. ज्यावेळी ही आग लागली, तेव्हा आयसीयूमध्ये अनेक रुग्ण उपचार घेत होते. आगीच्या ज्वाळा आणि धुराचे लोट पाहून रुग्णालयात एकच खळबळ उडाली आणि रुग्णांच्या नातेवाईकांची पळापळ सुरू झाली.
#WATCH | Odisha: A fire broke out at Trauma Care ICU of S.C.B. Medical College and Hospital in Cuttack. Fire brigade present at the spot for firefighting operations. Visuals from the spot. More details awaited. pic.twitter.com/KZVF5wOy4V
— ANI (@ANI) March 16, 2026
advertisement
मिळालेल्या माहितीनुसार, रुग्णालयाच्या पहिल्या मजल्यावरील ट्रॉमा केअर इमर्जन्सी विभागातील ICU मध्ये पहाटे ३ च्या सुमारास अचानक आग भडकली. ज्यावेळी ही आग लागली, तेव्हा आयसीयूमध्ये अनेक रुग्ण उपचार घेत होते. आगीच्या ज्वाळा आणि धुराचे लोट पाहून रुग्णालयात एकच खळबळ उडाली आणि रुग्णांच्या नातेवाईकांची पळापळ सुरू झाली.
समोर आलेल्या माहितीनुसार, आयसीयूमध्ये ७ रुग्णांचा मृत्यू झाला. तर, दुसऱ्या वॉर्डमध्ये सुरक्षित ठिकाणी नेत असताना तीन जणांचा मृत्यू झाला. ट्रॉमा केअर आयसीयूमध्ये शॉर्ट सर्किटमुळे ही आग लागली असल्याचा संशय व्यक्त केला जात आहे.
advertisement
घटनेची माहिती मिळताच रुग्णालयात मदत आणि बचाव कार्य सुरू करण्यात आले. अग्निशमन दलाच्या तीन गाड्या घटनास्थळी दाखल झाल्या. अथक प्रयत्नांनंतर आगीवर नियंत्रण मिळवण्यात यश आले.
Location :
Cuttack,Cuttack,Odisha (Orissa)
First Published :
Mar 16, 2026 7:50 AM IST
मराठी बातम्या/देश/
Hospital ICU Fire: जिथं जीव वाचवायला गेले, तिथंच मृत्यूनं गाठलं! कटकमध्ये ICU मध्ये भीषण आग, १० जण ठार









