TRENDING:
साबुदाणा न भिजवता त्यापासून खिचडी आणि वडे बनवता येतात हे वाचूनच तुम्हाला आश्चर्य वाटलं असेल. पण असे कितीतरी व्हिडीओ सोशल मीडियावर उपलब्ध आहेत आणि त्यापैकीच रेसिपी व्हिडीओ आम्ही तुमच्यासाठी आणला आहे. आता साबुदाणा न भिजवता त्याच्यापासून हे पदार्थ कसे बनवायचे पाहुयात.
साबुदाणा खिचडी
तुम्ही दोन पद्धतीने बनवू शकता. एक म्हणजे साबुदाणा एका चाळणीत धुवून घ्या. चाळणीतच तो पसरवून घ्या. एका गॅसवर पातेलं ठेवून त्यात पाणी ठेवून उकळी येऊ द्या. आता या पातेल्यावर साबुदाणा असलेली चाळण ठेवा त्यावर झाकण ठेवा. काही मिनिटांनी तुम्ही उघडून पाहाल तर साबुदाणा भिजल्यासारखा तयार झालेला दिसेल. तो धुवून तुम्ही त्यापासून जशी एरवी खिचडी बनवता तशीच बनवून घ्या.
advertisement
साबुदाणा वडा
साबुदाणा मिक्सरमध्ये जाडसर वाटून घ्या. नंतर त्यात मिरची आणि आलं हवं असेल तर घालून पुन्हा थोडं फिरवून घ्या. आता यात कच्चा बटाटा किसून, जिरं आणि मीठ घालून मिक्स करून 10 मिनिटं मुरण्यासाठी ठेवा. बटाट्याला पाणी सुटतं. त्यामुळे गरज असेल तर अगदी थोडंसं पाणी घाला.
गॅसवर पॅन किंवा कढईत तेल गरम करून घ्या. त्यात साबुदाण्याचं मिश्रण भजीसारखं सोडा किंवा वड्यांचा आकार देऊन खरपूस होईपर्यंत तळून घ्या.
आता तुम्ही न भिजवता कच्च्या साबुदाण्यापासून साबुदाणा खिचडी आणि साबुदाणा वडे ट्राय करून पाहा आणि कसे झाले आम्हाला आमच्या सोशल मीडियाच्या कमेंट बॉक्समध्ये नक्की सांगा.