ठाणे : सध्या सर्वत्र अत्यंत उत्साहात गणपती बाप्पा विराजमान झाले आहेत. गणरायाच्या आगमाने सर्वत्र उत्साहाचे वातावरण आहे. कोकणात अनेक ठिकाणी गणेशोत्सवाच्या वेळेस वेगवेगळे गोड पदार्थ बनवले जातात. त्यापैकीच एक पदार्थ म्हणजे गोड गुलगुले. हे गव्हाच्या पिठाचे गोड गुलगुले शरीरासाठी पौष्टिक तर असतातच पण चविष्टसुद्धा असतात. नेमकं हे गोड गुलगुले कसे तयार करतात, याची रेसिपी काय आहे, ते जाणून घेऊयात.
advertisement
गव्हाच्या पिठाचे गुलगुले बनवण्यासाठी साहित्य -
एक ग्लास पाणी, एक वाटी गव्हाचे पीठ, एक वाटी गूळ, वेलची पावडर.
गणेशोत्सवात गावी जात आहात, पण ट्रॅव्हल्सचे दर पाहिलेत का, संपूर्ण आकेडवारी
गुलगुले बनवण्याची कृती -
सर्वप्रथम एका वाटीमध्ये एक ग्लास पाणी ओतून त्यात एक वाटी गूळ टाकावे. हे पाण्यात टाकलेले गूळ व्यवस्थित विरघळून घ्यावे आणि पाणी व गूळ एकत्र करावे. पाणी आणि गुळ एकजीर्ण झाल्यानंतर, त्यामध्ये गव्हाचे पीठ घालावे आणि पुन्हा मिक्स करून घ्यावे. आता गव्हाच्या पिठामध्ये थोडी चवीसाठी वेलची पावडर टाकावी. यानंतर पुन्हा सगळे पीठ एकत्र करून घ्यावे. हे पीठ आता 6 ते 7 तास झाकून ठेवावे. 6 ते 7 तासानंतर गरम तेलामध्ये चमच्याने हे गोळे करुन तळून घ्यावे.
गणेशोत्सवात प्रसादाला बनवा हा गोड पदार्थ, सगळ्यांना आवडेल, सोप्या रेसिपीचा VIDEO
अशा पद्धतीने मऊ आणि लुसलुशीत गव्हाच्या पिठाचे गोड गुलगुले तयार आहेत. हे तुम्ही गणपती बाप्पाच्या प्रसादासाठी बनवू शकता.