APMC Market: कृषी मार्केटनं वाढवलं टेन्शन; द्राक्षे, केळीची आवक घटली, कांदा अन् लिंबूला किती मिळाला भाव?

राज्याच्या अनेक भागात रब्बी कांद्याची काढणी सुरू आहे. गेल्या काही दिवसांपासून बाजारातील कांद्याची आवक टिकून होती. मात्र आज 29 मार्च रोजी राज्याच्या बाजारात कांदा आवकेत घट दिसून आली. 40 हजार 141 क्विंटल कांद्याची एकूण आवक राहिली. यामध्ये लाल कांद्याला धाराशिव मार्केटमध्ये 800 रुपये प्रतिक्विंटल प्रमाणे सरासरी दर मिळाला. लाल कांद्याचा सरासरी भाव दबावातच दिसला.

बाजारातील लिंबूस चांगला उठाव असला तरी आवकेतील घट कायम आहे. राज्याच्या मार्केटमध्ये आज केवळ 67 क्विंटल लिंबूची आवक राहिली. यापैकी पुणे बाजारात आवक झालेल्या 46 क्विंटल लिंबूस 10000 ते 12000 रुपये प्रतिक्विंटल प्रमाणे बाजारभाव मिळाला. तसेच धाराशिव मार्केटमध्ये आवक झालेल्या 18 क्विंटल कागदी लिंबूस 8250 रुपये प्रतिक्विंटल प्रमाणे सर्वात कमी बाजारभाव मिळाला.

राज्याच्या कृषी मार्केटमध्ये द्राक्ष आवकेत घट दिसली. आज 135 क्विंटल द्राक्षाची एकूण आवक झाली. यापैकी पुणे बाजारात 117 क्विंटल सर्वाधिक आवक राहिली. त्यास 7000 रुपये प्रतिक्विंटल प्रमाणे बाजारभाव मिळाला. तसेच पुणे बाजारात आवक झालेल्या 3 क्विंटल द्राक्षास 4000 प्रतिक्विंटल प्रमाणे बाजारभाव मिळाला.

राज्याच्या मार्केटमध्ये केळीची 481 क्विंटल एकूण आवक राहिली. यापैकी पुणे मार्केटमध्ये आवक झालेल्या 108 क्विंटल केळीस मिळालेला 2450 रुपये आजचा सर्वाधिक बाजारभाव ठरला.