'या' पाच सवयी अंगिकारा, शरीरातील खराब कोलेस्टेरॉलपासून सुटका मिळवा

खराब कोलेस्टेरॉल रक्तवाहिन्यांमध्ये जमा झाल्यास रक्त योग्यरित्या वाहणं कठीण होतं. अशावेळी हात-पाय दुखणं, स्ट्रोक किंवा हृदयविकाराचा झटका येण्याची शक्यता असते. पण रोजच्या काही सवयी, जीवनशैलीतील बदल आणि आहारातील सुधारणा हे खराब कोलेस्टेरॉल कमी करण्यासाठी उपयुक्त ठरतात. चला तर, शरीरात जमा झालेलं खराब कोलेस्टेरॉल कसं कमी करता येईल, जाणून घेऊ.

नियमित व्यायाम करा

advertisement

रोज सकाळी थोडा व्यायाम केल्यास कोलेस्टेरॉल कमी होतं. दररोज अर्धा तास व्यायाम किंवा सायकलिंग, चालणं याचाही चांगला फायदा होतो. यामुळे रक्तात साठलेलं खराब कोलेस्टेरॉल कमी होण्यास मदत होते.

योग्य नाश्ता

दररोज नाश्त्यात अशा पदार्थांचा समावेश करा जेणेकरून शरीरातील कोलेस्टेरॉल मॅनेज करण्यास मदत होईल. कोलेस्टेरॉल कमी करण्यासाठी धान्य, फळं, भाज्या आणि ताज्या पदार्थांचानाश्त्यात समावेश केला जाऊ शकतो. फायबरयुक्त नाश्ता कोलेस्टेरॉल कमी करण्यास मदत करतो.

प्रोसेस्ड फूड टाळा

व्यस्त जीवनशैलीमुळे आपण अनेकदा ताज्या अन्नाऐवजी पॅकिंग फूड आहारात समाविष्ट करतो. यामुळे कोलेस्टेरॉल वाढू शकते. विशेषत: पॅकेट स्नॅक्स, फास्ट फूड्स आणि शुगरयुक्त पेयांचा आहारात समावेश करू नका.

ग्रीन टी प्या

सकाळी ग्रीन टी प्या. ग्रीन टीमध्ये अँटीऑक्सिडंट्स भरपूर प्रमाणात असतात, व त्यात शरीरातील खराब कोलेस्टेरॉल कमी करणारे घटक असतात. एक कप ग्रीन टी शरीराला अनेक फायदे देतो. यामुळे चयापचय वाढते आणि वजन कमी होण्यासही मदत होते.

कोमट पाणी प्या

तुम्ही तुमच्या दिवसाची सुरुवात कोमट पाणी पिऊन करा. सकाळी कोमट पाण्यात लिंबाचा रस मिसळून प्यायल्यास पचनक्रिया चांगली होते, आणि कोलेस्टेरॉल कमी होण्यासही मदत होते. लिंबामध्ये व्हिटॅमिन सी भरपूर प्रमाणात असते, जे शरीरातील कोलेस्टेरॉल कमी करण्यास मदत करते.

दरम्यान निरोगी आरोग्य साठी शरीरातील कोलेस्टेरॉल प्रमाण योग्य ठेवण्यासाठी प्रयत्न करणे खूप महत्त्वाचे आहे.