अनेकदा कोंड्यामुळे टाळूलाही खाज सुटते. यासाठी काही घरगुती उपायांचा अवलंब करू शकता.
1. दही -
दह्यामध्ये प्रथिनं चांगल्या प्रमाणात आढळतात, ज्यामुळे केसांमध्ये कोंडा होण्याचं प्रमाण कमी होतं. पेस्टप्रमाणे केसांवर दही लावल्यानं ही समस्या दूर होऊ शकते.
2. लिंबू-
खोबरेल तेलात लिंबाचा रस मिसळून केसांना लावल्यानं कोंड्याची समस्या कमी होते.
advertisement
3. कोरफड -
कोरफड मधील अँटीफंगल आणि अँटीबॅक्टेरियल गुणधर्मांमुळे कोंड्याची समस्या दूर होण्यास मदत होते. तेल आणि लिंबू मिक्स करुन तुम्ही कोरफडही लावू शकता.
4. बेकिंग सोडा-
बेकिंग सोडा केसांना लावल्यानं कोंड्याच्या समस्येपासून सुटका मिळते.
5. मेथी-
मेथीच्या दाण्यांची पेस्ट केसांवर लावल्यामुळेही कोंड्याचं प्रमाण कमी होतं. मेथीचे दाणे तेलात उकळून थंड करुनही लावू शकता.
6. कडुनिंब-
कडुनिंबाची पानं पाण्यात उकळून या पाण्यानं केस धुतल्यानंही कोंड्याचं प्रमाण कमी होतं.
हे उपाय नक्की करुन बघा, यानंतरही कोंडा कमी झाला नाही तर केशतज्ज्ञांचा सल्ला घ्या.