शरीरातलं युरिक अ‍ॅसिड वाढलं, तर सांधेदुखी, मुतखडा तसंच हृदयरोगही होऊ शकतो. प्युरिनयुक्त पदार्थ खाल्ल्यानं हे अ‍ॅसिड वाढतं. प्युरिनमध्ये प्राण्यांच्या प्रोटिन्सचं प्रमाण जास्त असतं. मात्र केवळ प्युरिनच नाही, तर ऑक्सालेट या घटकामुळेही युरिक अ‍ॅसिड वाढू शकतं. त्यामुळे युरिक अ‍ॅसिड वाढलेलं असेल, तर काही पदार्थ वर्ज्य केले पाहिजेत.
पालक
पालकामध्ये अनेक जीवनसत्त्व आणि खनिजं असतात. त्यात भरपूर अँटिऑक्सिडंट्सही असतात. मात्र भरपूर पालक खाल्ल्यानं काही समस्या उद्भवू शकतात. पालकामध्ये ऑक्सालेट्स असतात. युरिक अ‍ॅसिडसाठी ते फारसं चांगलं नसतं. त्यामुळे तुमच्या शरीरातलं युरिक अ‍ॅसिड वाढलं असेल, तर पालक खाऊ नका.
advertisement
बीट
सॅलेडमध्ये, सूपसाठी, पराठ्यासाठी बीटरूटचा वापर केला जातो. यात अनेक जीवनसत्त्व आणि खनिजं असतात. आरोग्यासाठी बीट चांगलंही असतं. नियमित बीट खाल्ल्यानं आरोग्याचा अनेक तक्रारी कमी होतात, कारण यात बीटा कॅरोटिन असतं. मात्र आर्थ्रायटिसची समस्या असलेल्यांनी बीट कमी खावं.
भेंडी
अनेकांना भेंडीची भाजी खूप आवडते. मात्र भेंडीमध्ये असलेल्या अँटी ऑक्सिडंट्समुळे ते युरिक अ‍ॅसिडला आमंत्रण देऊ शकते.
टोमॅटो
टोमॅटोमध्ये फायबर असतं. इतर काही जीवनसत्त्वंही असतात. मात्र ऑक्सालेटही भरपूर असल्यानं युरिक अ‍ॅसिड वाढल्याची समस्या असलेल्यांनी टोमॅटो खाणं कमी करावं.
शतावरी
शतावरीमध्ये ऑक्सालेट भरपूर प्रमाणात असतं. यामुळे आर्थ्रायटिसची समस्या वाढू शकते. त्यामुळे शतावरी खाणं टाळावं.
शरीरात नेहमीच युरिक अ‍ॅसिड वाढत असेल तर उच्च रक्तदाब, सांधेदुखी, अंगावर सूज, मूतखडा असे आजार होऊ शकतात. युरिक अ‍ॅसिड कमी करण्यासाठी आहार आणि व्यायाम या दोन्हीची मदत होऊ शकते. तूरडाळ, गोड पेय, मासे, अल्कोहोल, तसंच काही भाज्या यांच्या अती सेवनानं युरिक अ‍ॅसिड वाढू शकतं. त्यावर नियंत्रण ठेवल्यास युरिक अ‍ॅसिडचं प्रमाण कमी होतं. तसंच शारीरिक हालचाल करणंही गरजेचं असतं. त्यासाठी नियमित व्यायाम आणि भरपूर पाणी पिणं या गोष्टी कराव्यात.