मुलीला मांडीवर चटके देणार गुंजाळ महाराज अट्टल रंगीला, तरुणींसोबत करायचा घाणेरडं कृत्य; कुंडली समोर

ढवळपुरी गावातील इयत्ता आठवीत शिकणाऱ्या अल्पवयीन मुलीवर कीर्तनकार यशवंत थोरात उर्फ अण्णासाहेब गुंजाळ यांनी धाक दाखवत वारंवार अत्याचार केल्याचा आरोप आहे. नववीत शिक्षण घेत असताना आरोपीने जबरदस्तीने शरीरसंबंध ठेवले आणि हा प्रकार कुणाला सांगितल्यास कुटुंबीयांना जीवे मारण्याची धमकी दिल्याचे फिर्यादीत नमूद करण्यात आले आहे. भीतीपोटी पीडित मुलीने अनेक वर्षे मौन बाळगले. मात्र 10 मार्च रोजी आरोपीने फोन करून घरी बोलावले असता तिने नकार दिल्याने संतप्त झालेल्या आरोपीने तिला मारहाण केली. तसेच स्वयंपाकघरातील लोखंडी पक्कड गॅसवर गरम करून तिच्या दोन्ही मांडींवर चटके दिल्याचा अमानुष प्रकार उघड झाला आहे.

advertisement

20 मार्चपर्यंत गुंजळेला पोलीस कोठडी 

पीडितेवर जबरदस्ती करत पुन्हा धमक्या दिल्याचा आरोपही करण्यात आला आहे. या घटनेनंतर पारनेर पोलिसांनी तात्काळ गुन्हा दाखल करत रविवारी पहाटे आरोपीला त्याच्या राहत्या घरातून अटक केली. न्यायालयात हजर केल्यानंतर आरोपीला 20 मार्चपर्यंत पोलीस कोठडी सुनावण्यात आली आहे. या प्रकरणाचा पुढील तपास पोलीस उपनिरीक्षक रणजित मारग करत आहेत. एकीकडे कीर्तन आणि धार्मिक प्रवचन, तर दुसरीकडे क्रौर्याची परिसीमा ओलांडल्याने परिसरात संतापाची लाट उसळली असून वारकरी संप्रदायाच्या प्रतिमेलाही मोठा धक्का बसल्याची भावना व्यक्त केली जात आहे.

अत्याचाराच्या  घटनेमुळे संपूर्ण परिसर हादरला

अल्पवयीन मुलीवरील अत्याचाराच्या या घटनेमुळे संपूर्ण परिसर हादरला असून आरोपीला कठोर शिक्षा व्हावी, अशी मागणी नागरिकांकडून केली जात आहे. पोलिसांनीही यांच्या विरोधात काही तक्रारी असेल तर पारनेर पोलिसांची संपर्क साधा असे आव्हान केले आहे.

हे ही वाचा :

'Im in prrsonal work'! आरोपींचा ओव्हरस्मार्टपणा नडला, मोबाईलवरील स्टेटसने उकलले खुनाचे गूढ