TRENDING:
या सगळ्या घडामोडी सुरू असताना आता अजित पवारांचे पूत्र जय पवार यांनी व्हीएसआर कंपनीचा हलगर्जीपणा चव्हाट्यावर आणला आहे. व्हीएसआर कंपनीचे मालक रोहित सिंह यांचा एक व्हिडीओ जय पवारांनी आपल्या इन्स्टाग्राम अकाऊंटवर शेअर केला आहे. ज्यात रोहित सिंह हा विमान हवेत असताना पायलट सीटवर बसून झोपा काढताना दिसत आहे. हा व्हिडीओ शेअर करत जय पवारांनी रोहित सिंहच्या अटकेची मागणी केली आहे.
advertisement
जय पवारांनी इन्स्टाग्राम पोस्टमध्ये लिहिलं की, "माझ्या वडिलांना आपण गमावलं. ही वेदना आयुष्यभर साथ देणार आहे. या व्हिडिओमध्ये VSR चे मालक रोहित सिंह मुख्य पायलटच्या सीटवर उड्डाणादरम्यान झोपलेले दिसत आहेत. आकाशात असताना असा निष्काळजीपणा असू शकत नाही. हे अत्यंत गंभीर आणि धक्कादायक आहे."
"मी DGCA ला ठामपणे मागणी करतो की या प्रकरणात तत्काळ कठोर कारवाई व्हावी. संपूर्ण चौकशी होईपर्यंत VSR ची सर्व विमाने तत्काळ ग्राउंड करण्यात यावीत आणि रोहित सिंह यांना त्वरित अटक करून कठोर कायदेशीर कारवाई करण्यात यावी. ही एका मुलाची आर्त हाक आहे, माझ्या वडिलांसाठी आणि प्रत्येक प्रवाशाच्या सुरक्षिततेसाठी" असं जय पवारांनी पोस्टमध्ये म्हटलं आहे.
जय पवारांनी शेअर केलेला हा व्हिडीओ आता सोशल मीडियावर वेगाने व्हायरल होत आहे. लोकांकडून व्हीएसआर कंपनीच्या कारभारावर प्रश्नचिन्ह उपस्थित केलं जात आहे. रोहित पवारांनी देखील यापूर्वी रोहित सिंह यांच्यावर विविध गंभीर आरोप केले होते. ही विमान कंपनी कशाप्रकारे नियमांचं भंग करते, याची सगळी माहिती समोर आणली होती. आता या नव्या व्हिडीओमुळे रोहित सिंह यांच्या अडचणीत वाढ होण्याची शक्यता आहे. याबाबत प्रतिक्रिया विचारण्यासााठी व्हीएसआर कंपनीसह रोहित सिंह यांना संपर्क साधला असता त्यांच्याशी संपर्क होऊ शकला नाही.