Success Story : तुम्ही कधी खाल्लीये का मासे चकली? दुर्गा यांचा व्यवसाय ठरतोय हिट, महिन्याला 1 लाख कमाई

घरी किंवा हॉटेल सारख्या ठिकाणी मासे लोणचे बनवायचे झाल्यास सुरुवातीला मासे स्वच्छपणे पाण्याने धुवून घेणे, त्यानंतर त्याच्या वरचे सालटे आणि काटे बाजूला करणे, माशांचे छोटे पीस करणे त्यानंतर अद्रक लसूण पेस्ट त्या पिसांना लावायचे, त्यानंतर ते थोडा वेळ फ्रीजमध्ये थंड होण्यासाठी ठेवून द्यायचे, मासे पीस थंड झाल्यानंतर गरम झालेल्या तेलात तळून काढायचे. तळून झाल्यानंतर लोणचे मसाला, मोहरी, हळद, मीठ, मिरची पावडर अशा मसाल्यांचा वापर करावा असे दुर्गा बिरोटे यांनी सांगितले.

मासे चकली किंवा शेव बनवायची झाल्यास आयते चकली पीठ आणायचे, मासे गरम पाण्यामध्ये मीठ टाकून उकडून घ्यायचे, त्यानंतर माशांचे काटे काढून त्या पिठामध्ये पिस मिक्स करायचे, आणि पुढील चकलीची प्रक्रिया करायची याबरोबरच मासे शेव मध्ये देखील बेसन पीठ वापरून याच पद्धतीने तयार करता येते. मासे वापरून तयार केलेली चकली, शेव ही लहान मुलांसाठी पौष्टिक ठरते, असेही लहान मुलांना काट्यामुळे मासे खाण्यास अडचणी निर्माण होतात. त्यामुळे हे पदार्थ खाण्यास सोपे आणि आरोग्य दृष्ट्या हितकारक आहेत, आम्ही सध्या 13 महिला मिळून हा व्यवसाय करत आहोत, इतर महिलांना देखील या व्यवसायामध्ये संधी आहे त्यामुळे त्यांनी हा व्यवसाय करावा असेही बिरोटे यांनी म्हटले आहे.