'राज'पूत्र कुठून निवडणूक लढणार? मुंबईच्या दोन मतदारसंघात अमित ठाकरेंचे बॅनर!

अमित ठाकरेंनी निवडणूक लढवावी म्हणून भांडुप आणि मागाठाणेमध्ये मनसे कार्यकर्त्यांनी बॅनर लावले आहेत. मागाठाणे विधानसभा विजयासाठी सज्ज, प्रतीक्षा फक्त राज साहेब ठाकरेंच्या आदेशाची, भांडुपकरांची मागणी अमित ठाकरे हेच भांडुपचे आमदार, असे बॅनर या दोन्ही मतदारसंघामध्ये लावण्यात आले आहेत.

अमित ठाकरे यांनी निवडणूक लढवावी म्हणून माहीम, भांडुप, मागाठाणेमधल्या मनसे कार्यकर्त्यांनी मागणी केली आहे. नुकत्याच झालेल्या मनसेच्या विधानसभा निवडणूक तयारीच्या बैठकीत अमित ठाकरेंनी निवडणूक लढवावी, अशी भूमिका मनसेच्या नेत्यांनी घेतली होती. आपण कुठूनही निवडणूक लढण्यास तयार असल्याचं वक्तव्य अमित ठाकरेंनी केलं होतं.

advertisement