TRENDING:
धक्कादायक बाब म्हणजे आरोपी तरुण एकुलता एक मुलगा आहे. सुभाष ठोंबरे असं मारहाण झालेल्या व्यक्तीचं नाव आहे. आरोपीनं बहिणीसह आपल्या मेहुण्याला देखील मारहाण केली आहे. या प्रकरणी मुलगा लक्ष्मण ठोंबरे, सून सारिका ठोंबरे, यांच्यासह सासरच्या १० जणांविरोधात गुन्हा दाखल केला आहे. घटनेचा पुढील तपास केला जात आहे.
नेमकी घटना काय आहे?
advertisement
बीडच्या केज तालुक्यातील नाव्होली गावात ही घटना घडली. इथं मुलानेच सासरच्या लोकांना सोबत घेऊन वडिलांसह बहीण आणि मेहुण्याला डोळ्यात चटणी टाकून लोखंडी पाईप आणि बेल्टने अमानुष मारहाण केली. यामध्ये सुभाष ठोंबरे हे गंभीरित्या जखमी झाले असून त्यांच्यावर शासकीय रुग्णालयात उपचार करण्यात आले आहेत. मुलाकडूनच बापाला अशाप्रकारे अमानुष झालेल्या मारहाणीने सर्वत्र हळहळ व्यक्त केली जात आहे. आरोपींवर कडक कारवाई करण्याची मागणी केली आहे.
एकुलत्या एक मुलाने संपत्तीसाठी ट्रॅक्टर आणि जमीन नावावर करून दे म्हणत स्वतःच्या वडिलांसह वाद मिटवण्यासाठी आलेल्या बहीण आणि मेहुण्याला देखील मारहाण केली. यानंतर मुलाने वडिलांला हातपाय बांधून टाकण्यासाठी स्कॉर्पिओ गाडीत घेऊन गेल्याचा आरोप होत आहे. या मारहाणीचा एक सीसीटीव्ही फुटेज देखील समोर आले आहे. काही फोटो समोर आले असून मारहाण झाल्याचे अंगावर मोठे व्रण दिसत आहेत. यावरून ही मारहाण किती भीषण होती, याचा अंदाज येत आहे. काल रात्री 8 ते 9 च्या दरम्यान ही घटना घडली असून जखमींवर अंबाजोगाई येथील स्वाराती रुग्णालयात उपचार सुरू आहेत. या प्रकरणात केज पोलीसात गुन्हा दाखल करण्याची प्रक्रिया सुरू आहे. व्हिडीओत हिंसक मारहाण आणि अश्लील शिवीगाळ असल्याने न्यूज १८ मराठी हा व्हिडीओ प्रसारीत करत नाही.