TRENDING:
अहिल्यानगर : जामखेडमध्ये नृत्यांगणा दिपाली पाटील या तरूणीने एका लॉजमध्ये आत्महत्या केल्याची घटना समोर आली आहे. खर्डा रोडवरील एका लॉजमध्ये गळफास घेत आत्महत्या केली आहे. आत्महत्या क का केली याचे कारण अद्याप समोर आल नाही, मात्र या घटनेने परिसरात मोठी खळबळ उडाली आहे. या प्रकरणी पोलिसांनी तपास सुरू केला आहे.
advertisement
जामखेडमध्ये नृत्यांगणा दिपाली गोकुळ पाटील हिने खर्डा रोडवरील एका लॉजमध्ये गळफास घेऊन आत्महत्या केल्याची धक्कादायक घटना समोर आली आहे. आत्महत्येचे कारण अद्याप स्पष्ट झालेले नाही. मैत्रिणीच्या तक्रारीवरून जामखेड पोलिसांनी गुन्हा नोंदवून तपास सुरू केला आहे. दिपाली बाजारात जात असल्याचे सांगून घरातून निघाली होती. बराच वेळ उलटूनही ती न परतल्याने मैत्रीण शोध घेत लॉजवर पोहोचली. दरवाजा न उघडल्याने वेटरच्या मदतीने खोली उघडण्यात आली असता दिपालीने गळफास घेतल्याचे दिसून आले.
भाजपाचे माजी नगरसेवक संदीप गायकवाड आरोपी
मृतदेह शवविच्छेदनासाठी पाठवण्यात आला आहे. या प्रकरणात भाजपाचे माजी नगरसेवक संदीप गायकवाड याला आरोपी करण्यात आले असून पोलिसांनी तपास सुरू केला आहे. कर्जत जामखेड चे आमदार आमदार रोहित पवार यांनी या घटनेवर गंभीर प्रश्न उपस्थित करत संबंधित लॉजचे सीसीटीव्ही फुटेज जप्त करून सखोल चौकशीची मागणी केली आहे. . यातून अनेकांचे काळे चेहरे उघड झाल्याशिवाय राहणार नाहीत. संबंधित महिलेला न्याय मिळवून देण्यासाठी हे प्रकरण दडपण्याचा कुणी प्रयत्न केला तर तो आम्ही यशस्वी होऊ देणार नाही, असाही इशारा रोहित पवार यांनी दिला आहे.
नेमकं काय घडलं?
दिपाली पाटील जामखेडमध्ये एका कलाकेंद्रात नृत्यांगणा म्हणून काम करत होती. सध्या ती मैत्रीणीसोबत जामखेडच्या तपेश्वर भागात भाड्याने राहत होती. मैत्रिणीला बाजारात जाऊन येते सांगून दिपाली घराबाहेर पडली. मात्र बराच वेळ झाल्याने दिपाली घरी न आल्याने मैत्रीणीला तिची चिंता वाटू लागली. मैत्रिणीने दिपाली ज्या रिक्षाने बाजारात गेली त्या रिक्षावाल्याला फोन करून चौकशी केली. चौकशीत रिक्षावाल्याने दिपालीला खर्डा रोडवरील एका लॉजवर सोडल्याचे सांगितले. रिक्षावाल्याने सांगितल्याप्रमाणे मैत्रीणी संध्याकाळी साडेपाच वाजता त्या लॉजवर पोहचली. फोन करूनही मैत्रीण फोन उचलत नव्हती, अखेर दरवाजा ठोठवाला मात्र कोणताच प्रतिसाद आला नाही. त्यानंतर वेटरला सांगून दुसऱ्या चावीने दरवाजा उघडला तर आत पंख्याला गळफास घेऊन आत्महत्या केल्याचे दिसून आले . त्यानंतर हॉटेलमधील कर्मचाऱ्यांनी पोलिसांना घटनेची माहिती दिली.