सेवानिवृत्त PSI अचानक बेपत्ता, कुटुंबीयांनी फोन केला पण.., ‘ते’ दृश्य पाहून छ. संभाजीनगर हादरलं!

छत्रपती संभाजीनगर शहर पोलीस दलातून घुगे हे 2023 मध्ये उपनिरीक्षक म्हणून सेवानिवृत्त झाले होते. तेव्हा ते क्रांतीचौक पोलीस ठाण्यात कार्यरत होते. त्यांना दोन मुले असून ते खासगी कंपनीत नोकरी करतात. तर एक विवाहित मुलगी आहे. सेवानिवृत्तीनंतर घुगे कधी बीड बायपासवर राहणाऱ्या मुलाकडे, तर कधी बाळापूर शिवारातील घरी राहत होते.

निर्जन ठिकाणी बोलावलं, डोळ्यात चटणी टाकली अन्..., छ. संभाजीनगरच्या ‘त्या’ तरुणांचा डाव फसला, दोघे अटकेत

advertisement

नेमकं घडलं काय?

गुरुवारी घुगे हे मुलीला भेटण्यासाठी गेले होते. त्यानंतर बाळापूरहून शहराकडे निघाले असताना अचानक बेपत्ता झाले. कुटुंबीयांनी सातत्याने संपर्क करण्याचा प्रयत्न केला. मात्र, त्यांनी कॉल किंवा मेसेजला कोणताही प्रतिसाद दिला नाही. शुक्रवारी सकाळी बाळापूर शिवारातील एका कोरड्या विहिरीत एक व्यक्ती पडल्याची माहिती चिकलठाणा पोलिसांना मिळाली.

पोलिसांनी घटनास्थळी धाव घेत पाहणी केली. अग्निशमन विभागाच्या मदतीने मृतदेह बाहेर काढण्यात आला. सदर मृतदेह हा घुगे यांचाच असल्याचे स्पष्ट झाले. विहिरीपासून काही अंतरावर घुगेंची दुचाकी आढळली. तर दुचाकीच्या डिक्कीत एक दोरी देखील आढळली. त्यामुळे भीमराव घुगे यांनी आत्महत्याच केली असावी, असा अंदाज आहे. त्यांच्या पार्थिवावर बाळापूर स्मशानभूमीत अंत्यसंस्कार झाले.

दरम्यान, चिकलठाणा पोलिसांनी आकस्मिक मृत्यूची नोंद केली आहे. तसेच त्यांनी आत्महत्या केली असल्यास त्याची कारणे काय? याचा शोध पोलीस घेत आहेत.