निर्जन ठिकाणी बोलावलं, डोळ्यात चटणी टाकली अन्..., छ. संभाजीनगरच्या ‘त्या’ तरुणांचा डाव फसला, दोघे अटकेत

‎छत्रपती संभाजीनगर : कमी वेळात मोठा पैसा मिळवण्याच्या मोहापायी गुन्हेगारीचा मार्ग स्वीकारणाऱ्या एका टोळीचा सातारा पोलिसांनी भांडाफोड केला. जेवणाची ऑर्डर देण्यासाठी केटरिंग व्यावसायिकाला निर्जन ठिकाणी बोलावून लुटमार केल्याची धक्कादायक घटना छ. संभाजीनगरात घडली होती. 18 मार्च रोजी सायंकाळी 7 ते 8 दरम्यान लिंक रोडवरील प्रभू हॉटेलच्या मागील निर्जन भागात घडलेल्या प्रकारामुळे शहरात भीतीचे वातावरण होते. आता या प्रकरणातील आरोपींना अटक करण्यात आली आहे.