IPL 2026 : चेपॉकवर मुंबई दर्शन! विरार, वाशी, बांद्राची पोरं जमली, कुर्ल्याच्या 'खान ब्रदर्स'चा कल्ला, पाहा Video
- Published by:Saurabh Talekar
Last Updated:
IPL 2026 Mumbai boys At Chepauk : चेन्नई सुपर किंग्जने सोशल मीडियावर एक व्हिडीओ शेअर केला आहे. यामध्ये सगळी मुंबईची पोरं एका ठिकाणी जमली अन् मॅचआधी सर्वांचा कल्ला पहायला मिळाला.
IPL 2026 Mumbai boys At Chepauk : भारताच्या क्रिकेटविश्वात जर कोणत्या टीमने सर्वाधिक वर्चस्व गाजवलंय, असा प्रश्न केला तर त्याचं एकच उत्तर मिळेल, ते म्हणजे मुंबई... सचिन तेंडूलकरच नाही तर अनेक दिग्गज खेळाडू मुंबई क्रिकेटने देशाला दिले. अशातच आता युवा पिढी देखील हाच वारसा जपताना दिसतीये. आयपीएलमध्ये देखील मुंबई क्रिकेटचा जलवा पहायला मिळतोय. अशातच चेपॉक स्टेडियमवर मुंबईच्या खेळाडूंना कल्ला केल्याचं पहायला मिळालं.
मुशीर अन् आयुषची मस्ती
चेन्नई सुपर किंग्जने सोशल मीडियावर एक व्हिडीओ शेअर केला आहे. यामध्ये सगळी मुंबईची पोरं एका ठिकाणी जमली अन् मॅचआधी सर्वांचा कल्ला पहायला मिळाला. 17 वर्षाचा विरारचा आयुष म्हात्रे मैदानात सरावासाठी येत असताना मुंबईचा युवा खेळाडू कुर्ल्याचा मुशीर खान याने आयुषची गाठ घेतली. दोघांमध्ये स्नेह यावेळी पहायला मिळाला. त्यानंतर एकेक मुंबईचे खेळाडू जमू लागले.
advertisement
कुर्ल्याचा सरफराज आला अन्...
मुशीर आणि आयुषला पाहून बांद्र्याचा सुयांश शेंडगे दोघांजवळ आला. मग मागे राहिल तो सरफराज कसला... मुशीर खानचा भाऊ आणि कुर्ल्याचा सरफराज आला अन् मैफिलीला रंगत आली. सर्व खेळाडू एकमेकांशी बोलत असताना वाशीचा ऑलराऊंडर अमन खान आला. तर महालक्ष्मीला राहणारा शशांक सिंग तरी कुठे मागे राहणार होता. शशांक सिंग आल्यावर मुंबईच्या पोरींचा गट्टी जमली अन् मस्ती सुरू झाली.
advertisement
advertisement
मुंबई दर्शनचा व्हिडीओ
दरम्यान, चेन्नई सुपर किंग्जच्या सोशल मीडिया अकाऊंटवरून हा सुंदर असा मुंबई दर्शनचा व्हिडीओ शेअर करण्यात आला आहे. त्यामुळे क्रिकेटमध्ये मुंबई आपलं नाव गाजवतीये, यात कोणतीही शंका नाही.
Location :
Mumbai,Maharashtra
First Published :
Apr 04, 2026 10:29 AM IST
मराठी बातम्या/स्पोर्ट्स/
IPL 2026 : चेपॉकवर मुंबई दर्शन! विरार, वाशी, बांद्राची पोरं जमली, कुर्ल्याच्या 'खान ब्रदर्स'चा कल्ला, पाहा Video
