बारामतीत नीरा नदीत मृत्यूचा थरार! अचानक नदीकाठी लाखो मृत माशांचा खच, आसपासच्या गावातील लोक भयभीत

(जितेंद्र जाधव, प्रतिनिधी) बारामती  : पुणे आणि सातारा जिल्ह्यांची जीवनवाहिनी असलेल्या नीरा नदीचे पाणी कमालीचे दूषित झाले आहे. बारामती तालुक्यातील सोमेश्वर सहकारी साखर कारखान्याने नदी पात्रात प्रक्रिया न केलेले रसाययुक्त पाणी सोडल्याने लाखो माशांचा मृत्यू झाला आहे. बारामती तालुक्यातील कोऱ्हाळे बुद्रुक येथे नदीकाठी मृत माशांचा खच पडल्याचं दिसून आलं. या भीषण घटनेमुळे नदीची जैवविविधता धोक्यात आली आहे.