TRENDING:
नाशिक पोलिसांनी अतिशय गुप्तपणे आणि चाणाक्षपणे अशोक खरात याच्यावर बुधवारी रात्री अटकेची कारवाई केली. पोलीस महासंचालकांच्या निर्देशानंतर संवेदनशील आयपीएस अधिकारी तेजस्वी सातपुते यांच्या नेतृत्वाखालील विशेष पोलीस पथक खरातची चौकशी करीत आहे. खरातने लोकांना कसे गंडवले, महिलांना कसे जाळ्यात ओढले, राजकारणी आणि खरातचे संबंध कसे होते? याविषयी महाराष्ट्राला प्रश्न आहेत. याच प्रश्नांची उत्तरे मुख्यमंत्री फडणवीस यांनी निवेदनातून दिली.
advertisement
ते व्हिडीओ पोलिसांना कुणी दिले?
खरात याच्या कार्यालयात काम करणाऱ्या नीरज जाधव याने पोलिसांना संबंधित व्हिडीओ दिल्याचे आतापर्यंत मानले जात होते. मात्र योगेश भालेराव या व्यक्तीने आठ महिलांचे ३५ व्हिडिओ
दिल्याचे फडणवीस यांनी सांगितले. साक्षीदार योगेश भालेराव पोलीस संरक्षण देणार असल्याचे फडणवीस म्हणाले.
खरातने एका महिलेला गरोदर ठेवलं, गोळ्यांनी गर्भही पाडला
फडणवीस म्हणाले, फेब्रु २०२० ते १८ मार्च २०२६ या काळात ओकस प्रॉपर्टिज कॅनडा चौक नाशिक येथे फिर्यादीस बोलावून एकांतात कार्यालयात असताना तिला तांब्याच्या बाटलीतील मंतरलेले पाणी देऊन विधीच्या नावाखाली वारंवार तिच्याशी शारीरिक संबंध केले. यातून फिर्यादीस दिवस गेल्याने अशोक खरात याने गोळ्या खायला देऊन गर्भपात घडवून आणला. तसेच विधीला नकार दिला तर भविष्यात तुझे चांगले होण्याऐवजी वाटोळे होईल, तुझ्या मुलांचे बरेवाईट होईल, असा दम दिला. पीडिल महिलेला दिव्य जडीबुटीचे औषध आहे असे सांगून द्रव्य दिले होते. हे द्रव्य तपास कामाकरिता फॉरेन्सिकला पाठविण्यात येणार असल्याचे फडणवीस यांनी सांगितले.
कॅप्टन खरातची संपत्ती कुठे कुठे?
अशोक खरात याची मिरगावात ३३ एकर जमीन असल्याचे फडणवीस यांनी सांगितले. तसेच नाशिक, पाथर्डी, अहिल्यानगर, शिर्डी, मिरगाव आदी भागांत अशोक खरात याच्या संपत्ती असल्याचे देवेंद्र फडणवीस यांनी सांगितले.
कॅप्टन खरातला अटक कसे केले?
नाशिक पोलिसांनी कौशल्य पणाला लावून रात्री ११ वाजून ५९ मिनिटांनी अशोक खरात याला अटक केले. घराच्या आसपास चोरी झाल्याचे सांगून त्याला घराबाहेर पडण्यास भाग पाडले आणि नंतर त्याला ताब्यात घेतल्याचे सांगितले. अटक कारवाईची कुणकुण अशोक खरात याला लागली असती तर परदेशात पळून गेला असता. ही शक्यता दाट होती, त्यामुळे आम्ही आधीच त्यासंबंधीची खरबरदारी घेतल्याचे फडणवीस यांनी सांगितले.