TRENDING:
हवामानात अचानक बदल येण्याची शक्यता आहे. त्याचं कारणही चक्रीवादळच आहे. या आठवड्याभरात हवामानात अनेक बदल होऊ शकतात. हवामान विभागाच्या म्हणण्यानुसार, पूर्व विषुववृत्तीय हिंदी महासागर आणि लगतच्या दक्षिण अंदमानवर सायक्लोनिक सर्क्युलेशनची स्थिती निर्माण झाली आहे. महासागराच्या मध्य ट्रोपोस्फियरपर्यंत पसरलेले आहे. त्याच्या प्रभावामुळे कमी दाबाचे क्षेत्र तयार होण्याची शक्यता आहे.
पश्चिम-वायव्य दिशेने आग्नेय बंगालच्या उपसागराकडे सरकण्याची शक्यता आहे. पुढील 2 दिवसांत बंगालच्या उपसागराच्या मध्यवर्ती भागात दाबाचे क्षेत्र तयार होईल. IMD ने 11 राज्यांमध्ये पावसाचा इशारा दिला आहे. समुद्र किनारपट्टीजवळच्या राज्यांना हवामान विभागाने अलर्ट दिला आहे. या भागात वादळी वाऱ्यासह मुसळधार पावसाचा इशारा देण्यात आला आहे.
advertisement
23 ते 28 नोव्हेंबर या कालावधीत अनेक राज्ये आणि केंद्रशासित प्रदेशांमध्ये हलका ते मध्यम पाऊस आणि काही ठिकाणी मुसळधार पावसाची शक्यता हवामान विभागाने वर्तवली आहे. अंदमान आणि निकोबार बेटे, आसाम आणि मेघालय आणि तामिळनाडू, तसेच केरळ आणि पुद्दुचेरी यांसारखे प्रमुख क्षेत्र विशेषतः प्रभावित होतील.
25 आणि 26 नोव्हेंबर रोजी केरळ, माहे, किनारी आंध्र प्रदेश आणि यानाममध्ये पाऊस आणि विजांच्या कडकडाटासह पाऊस पडण्याची शक्यता आहे. याशिवाय 22 नोव्हेंबर रोजी मेघालयात काही ठिकाणी गारपीट होण्याची शक्यता आहे. धुके देखील असेल, रात्री उशिरा आणि पहाटे अनेक उत्तरेकडील भागात दाट धुके पडण्याची शक्यता आहे. महाराष्ट्रात पश्चिम महाराष्ट्र आणि कोकणात कडाक्याची थंडी पडण्याची शक्यता आहे.