अशीही आरोग्य सेवा, रक्तदान आणि अवयवदानासाठी काम करणारे अमित, Video पाहुन कराल कौतुक

पुणे : रक्तदान आणि अवयवदान या दोन्ही गोष्टींना अनन्यसाधारण महत्त्व आहे. मात्र या दोन्ही विषयांबाबत जनजागृती ज्या प्रमाणात वाढायला हवी, त्या प्रमाणात ती अजूनही दिसून येत नाही. परिणामी भारतात अपेक्षित प्रमाणात रक्तदान आणि अवयवदान होत नाही. हीच परिस्थिती बदलण्यासाठी मूळ प्रयागराज येथील आणि सध्या पुण्यात स्थायिक असलेले अमित बॅनर्जी गेल्या अनेक वर्षांपासून सातत्याने काम करत आहेत. त्यांच्या प्रयत्नांमुळे अनेक नागरिकांनी अवयवदानाचा संकल्प केला असून अनेकजण रक्तदानासाठीही पुढे येत आहेत. या कार्याविषयी अमित यांनी लोकल18 ला माहिती दिली आहे.