Kolhapur Crime : बायको माहेरी, आई रक्ताच्या थारोळ्यात! बुधवारी असं काही झालं की अख्खं कोल्हापूर हादरलं

पैशांसाठी आईकडे तगादा

विजय निकमला दारूचे व्यसन असल्यामुळे तो नेहमी पैशांसाठी आईकडे तगादा लावायचा. आज पहाटे त्याने सावित्रीबाई निकम यांच्याकडे दारूसाठी पैशांची मागणी केली. आईने पैसे देण्यास नकार दिल्याने माय-लेकामध्ये कडाक्याचे भांडण झाले. या वादातून रागाने संतप्त झालेल्या मुलाने आईच्या डोक्यात वरवंट्याने वार केला. डोक्याला गंभीर दुखापत झाल्यामुळे आणि जास्त रक्तस्राव झाल्यामुळे सावित्रीबाई यांचा जागीच मृत्यू झाला.

advertisement

बहिणीला फोन करून सांगितलं...

विजयचा विवाह झाला होता, तरी त्याने पत्नीवरही अत्याचार केले. त्यामुळे पत्नी दोन मुलींना घेऊन माहेरी गेली. घटनेनंतर विजयने स्वतःच फोन करून इस्पुर्लीतील बहिणीला आईचा खून केल्याचे सांगितले. शेजार्‍यांनाही त्याने आईच्या डोक्यात वरवंटा घातल्याचे सांगितल्यावर सर्व परिसर हादरला आहे.

मृतदेहाच्या बाजूला शांतपणे बसून राहिला

आईच्या हत्येनंतरही आरोपी विजय निकमने पळ काढला नाही, तर तो मृतदेहाच्या बाजूला शांतपणे बसून होता. या घटनेची माहिती स्थानिकांनी पोलिसांना दिली. त्यानंतर राजारामपुरी पोलिसांनी इव्हेंट स्पॉटवर धाव घेऊन आरोपीला गजाआड केले. धक्कादायक बाब म्हणजे, पोलिसांनी त्याला अरेस्ट केल्यानंतरही आईची हत्या केल्याबद्दल आरोपी तरुणाच्या चेहऱ्यावर कसलेही पश्चात्तापाचे भाव नव्हते. या प्रकरणाचा अधिक इन्व्हेस्टिगेशन पोलिस करत आहेत.