Nagar Parishad-Nagar Panchayat Election Live : नगरपरिषद निवडणुकीसाठी मतदान संपलं, पण अजूनही ठिकठिकाणी रांगा

Nagar Parishad Election/ Nagar Panchayat Election Live Update:  राज्यातल्या 264 नगरपरिषदा आणि नगरपंचायतींच्या निवडणुकीसाठी आज मतदान पार पडलं आहे. काही ठिकाणी बोगस मतदार तर कुठे पैशांच्या वाटप झाल्याचे धक्कादायक प्रकारही घडले. बोगस मतदारामुळे अनेक मतदान केंद्रावर राजकीय पक्षांमध्ये राडा पाहण्यास मिळाला. तर काही ठिकाणी दगडफेक झाल्याची घटना घडली आहे. त्यामुळे पहिल्यांदाच नगर परिषद निवडणुकीला गालबोट लागलं आहे. तर दुसरीकडे, मतदानाच्या दिवशी नागपूर खंडपीठामध्ये सुनावणी पार पडली. या सुनावणीत २१ डिसेंबरला मतमोजणी घेण्याचे आदेश देण्यात आले आहे. त्यामुळे आज मतदान झालं असलं तरी मतमोजणी ही २१ डिसेंबरला होणार आहे.