Dubai Airport Drone Attack: दुबईत विमानसेवा सुरू असताना ड्रोन हल्ला, एका भारतीयासह चार जण जखमी, इराणच्या हल्ल्याने खळबळ

नवी दिल्ली: जगातील सर्वात व्यस्त विमानतळांपैकी एक असलेल्या दुबई आंतरराष्ट्रीय विमानतळाजवळ (DXB) आज पुन्हा दोन ड्रोन कोसळल्याने एकच खळबळ उडाली. दुबई विमानतळावरून विमान सेवा सुरू असतानाच ही घटना घडल्याने चिंता व्यक्त केली जात आहे. या घटनेमुळे परिसरात मोठी खळबळ उडाली असून यात एका भारतीय नागरिकासह एकूण चार जण जखमी झाले आहेत. सुदैवाने, या घटनेचा विमान वाहतुकीवर कोणताही परिणाम झाला नसून हवाई वाहतूक सुरळीत सुरू असल्याची माहिती समोर आली आहे.