संजय गांधी राष्ट्रीय उद्यानात उद्रेक! वनसंरक्षक अनिता पाटील यांच्याविरोधात संताप; तोडफोड अन् दगडफेक, नेमकं प्रकरण काय?

मुंबईचे फुफ्फुस मानल्या जाणाऱ्या 'संजय गांधी राष्ट्रीय उद्यानात सध्या शुकशुकाट नाही, तर संघर्षाचा वणवा पेटला आहे. उद्यानाच्या वनसंरक्षक अनिता पाटील यांच्या 'मनमानी' कारभाराविरोधात स्थानिक आदिवासी आणि अभिनव नगरातील रहिवाशांनी आक्रमक पवित्रा घेतला असून, आज जोरदार आंदोलन करण्यात आले. या आंदोलनामुळे परिसरात तणावाचे वातावरण असून मुख्यमंत्र्यांनी यात हस्तक्षेप करावा, अशी मागणी आता जोर धरू लागली आहे.