Thane Water Cut : उन्हाळ्याच्या तोंडावर पाणीबाणी, ठाण्यात पुरवठा बंद, कधी अन् कुठे? वाचा

मिळालेल्या माहितीनुसार, उथळसर प्रभाग समितीच्या हद्दीत असलेल्या सिद्धेश्वर जलकुंभ परिसरात नवीन जलवाहिनी टाकण्याचे काम सुरू आहे. या कामासाठी खोदकाम करण्यात येत असताना जुन्या आउटलेट जलवाहिनीला अडथळा येत आहे. त्यामुळे ही जलवाहिनी स्थलांतरित करण्याचे काम महापालिकेकडून हाती घेण्यात आले आहे.

या कालावधीत उथळसर प्रभाग समिती क्षेत्रातील सिद्धेश्वर तलाव परिसर, रमाबाई आंबेडकर नगर, गणेशवाडी, नितीन कंपनी परिसर, पाचपाखाडी, सरोवर दर्शन, चंदनवाडी, हंसनगर, सिंगनगर, खोपट, फ्लॉवर व्हॅली, शेलार पाडा, गोकुळदासवाडी, कोलबाड आणि गोकुळनगर या भागांमध्ये पाणीपुरवठा बंद राहणार आहे.