TRENDING:
रेल्वे पोलिसांनी रे रोड परिसरात कारवाई केली. ‘बाबा बंगाली’ म्हणून फसवणूक करणारा मोहम्मद नझीर अंदारी पोलिसांच्या अटकेत आहे. प्रेमविवाह, वशीकरण, नोकरी, पती-पत्नी वाद, कोर्ट केस, काळी जादू आदी समस्यांवर १०० टक्के उपायाची हमी, असे दावे बंगाली बाबाने पोस्टरमधून केले होते.
जाहिरात पाहून लोकांनी फोन केलेल्या लोकांकडून बंगाली बाबा पैसे उकळत होता. हतबल नागरिकांना जाळ्यात ओढून आर्थिक फसवणूक करण्याचे काम बंगाली बाबाने केले. लोकलमध्ये अवैध जाहिराती वाढल्याने तपास सुरू होता.
advertisement
गुप्त माहितीच्या आधारे रेल्वे पोलिसांनी छापा मारला. या छाप्यात बंगाली बाबा बरोबर पोलिसांच्या जाळ्यात अडकला. तब्बल 15 हजार पोस्टर्स रेल्वे पोलिसांनी जप्त केले. जे अडचणीत आहेत, त्यांच्या समस्या सोडवतो, असा दावा करणाऱ्या बाबालाच अटक केल्याने त्याच्या समर्थक वर्गात दहशत पसरली आहे.