TRENDING:
ईडीकडून तपासाला सुरुवात
भोंदू अशोक खरात याने केलेल्या आर्थिक गैरव्यवहार प्रकरणात ईडीकडून तपासाला सुरुवात झाली असून खरात या प्रकरणात चांगलाच फसण्याची शक्यता आहे. ईडीने मनी लाँड्रिंगचा गुन्हा म्हणजेच (ECIR) दाखल केला असून प्राथमिक तपासला सुरुवात केली. नाशिक पोलिसांकडून ईडीने अशोक खरात प्रकरणाची सर्व कागदपत्रे मागवून घेतल्यानंतर गुन्हा दाखल केला आहे.
advertisement
जमीन व्यवहारात फसवणुकीचा गुन्हा
अशोक खरात प्रकरणात विशेष पथकाचा तपास आता खरात याने भोंदूगिरीतून उभ्या केलेल्या आर्थिक नेटवर्कवर वळला आहे. यातून शिर्डी नगरपंचायतीचे माजी नगराध्यक्ष, उपनगराध्यक्ष, माजी नगरसेवक यांना विशेष पथकाने चौकशीसाठी नोटिसा बजावल्या आहेत. साई संस्थानचा एक माजी विश्वस्त देखील चौकशीच्या रडारवर असल्याची माहिती समोर आली होती. तसेच अशोक खरात आणि त्याची पत्नी कल्पना खरात हिच्यासह पाच जणांविरोधात शिर्डीत (Shirdi) बेकायदेशीर सावकारकी आणि जमीन व्यवहारात फसवणुकीचा गुन्हा दाखल झाला आहे.
आर्थिक व्यवहार आणि मालमत्ता खरेदी-विक्रीचे व्यवहार
अशोक खरात याचा शिर्डीत मोठा भक्त परिवार होता. त्यामुळे त्याचे सर्वाधिक आर्थिक व्यवहार आणि मालमत्ता खरेदी-विक्रीचे व्यवहार तिथंच सुरू असायचे. तो अनेक भक्तांच्या मालमत्ता खरेदी-विक्रीत भागीदार असल्याचं देखील पोलिस तपासात समोर येत आहे. दरम्यान, अशोक खरातचे आर्थिक व्यवहार, गैरव्यवहार किंवा मनी लाँड्रिंगसारखे कोणतेही धागेदोरे आढळल्यास त्यावरही कारवाई केली जाईल, असंही मुख्यमंत्री देवेंद्र फडणवीस यांनी म्हटलं होतं.