TRENDING:
नेमकं प्रकरण काय?
नाशिकमधील, पंचवटी परिसरातील औदुंबरनगरामध्ये रस्त्यावर काही लहान मुलं चेंडू खेळत होते. चेंडू खेळत असताना त्यांचा चेंडू खेळता खेळता एका महिलेच्या घरात गेला. घरात गेल्यामुळे त्या महिलेने चेंडू मुलांच्या पुन्हा दिला नाही. त्यामुळे रागाच्या भरात संतोष रोकडे आणि संदेश रोकडे या दोघांनीही रागाच्या भरात त्या महिलेच्या घराचा दरवाजा ठोकला. नंतर त्यांच्या घरात प्रवेश केला. "आमच्या नातीला चेंडू का देत नाही?" असं म्हणत तिला मारहाण केली. शिवाय तिला शिव्या सुद्धा त्यांनी दिल्या. त्यांच्या मारहाणीचा एक महिला व्हिडिओ काढत होती. व्हिडिओ काढणाऱ्या महिलेचा मोबाईल दोन्हीही संशयितांनी हिसकावून घेतला. या घटनेची सध्या पंचवटी परिसरात जोरदार चर्चा होत आहे.
advertisement
दरम्यान, त्या महिलेला दोन महिलांनी आणि एका पुरूषाने मारहाण केली आहे. त्या तिघांच्याही भितीने ती महिला पळून चालली होती, पण तिला दोघांनी पकडून आणून मारहाण केली. महिलेने अखेर सुटका करत 112 या हेल्पलाईन क्रमांकावरून मदत मागितली. काही वेळातच पोलिसांनी तिला मदत सुद्धा केली. दरम्यान, मारहाण झालेल्या महिलेने पंचवटी पोलीस ठाण्यामध्ये या प्रकरणाचा गुन्हा नोंदवला आहे. पोलीस पथकाकडून संशयितांविरोधात तक्रार दाखल केली असून घटनेची सविस्तर चौकशी केली जात आहे. पोलिसांनी आरोपीला अटक केलेली आहे की नाही, याची माहिती मिळालेली नाही. इतक्या क्षुल्लक कारणावरून नागरिकांमध्ये आपआपसात वाद झाल्यामुळे सध्या पोलिसांमध्ये ह्या प्रकरणाची जोरदार चर्चा सुरू आहे.