TRENDING:
राष्ट्रवादी काँग्रेस पक्षाच्या राष्ट्रीय कार्यकारिणीची बैठक मुंबईतील वरळी डोममधील हॉलमध्ये झाली. या बैठकीला राज्यातील आणि देशभरातील सर्व राष्ट्रवादी काँग्रेस पक्षाचे मुख्य पदाधिकारी उपस्थित होते. उपमुख्यमंत्री सुनेत्रा पवार, प्रफुल पटेल, सुनील तटकरे, छगन भुजबळ, धनंजय मुंडे, दिलीप वळसे पाटील, हसन मुश्रीफ, नरहरी झिरवाळ बैठकीला उपस्थित होते. याच बैठकीत सुनेत्रा पवार यांची पक्षाच्या अध्यक्षपदी निवड झाली.
advertisement
राज्यसभेच्या सात जागांसाठी निवडणूक, राष्ट्रवादीकडून पार्थ पवार राज्यसभेवर जाणार
दुसरीकडे पार्थ पवार यांची पक्षाच्या राष्ट्रीय सरचिटणीसपदी वर्णी लागेल, अशी चर्चा असताना तेच अध्यक्ष निवडीच्या कार्यक्रमाला अनुपस्थित राहिल्याने राजकीय वर्तुळात उलट सुलट चर्चा झाल्या. अध्यक्ष निवडीचा कार्यक्रम संपल्यानंतर पार्थ पवार यांच्या विषयी विचारले असता प्रफुल पटेल यांनी त्यांना राज्यसभेवर पाठविण्याचा निर्णय झाला असल्याची घोषणा केली. येत्या १६ मार्च रोजी राज्यातील सात राज्यसभेच्या जागांसाठी मतदान आहे. या निवडणुकीत राष्ट्रवादीकडून पार्थ पवार अर्ज दाखल करतील, असे प्रफुल पटेल यांनी सांगितले.
पार्थ पवार यांची राजकीय कारकीर्द
पार्थ पवार २०१९ साली राजकारणात आले
मावळ लोकसभा मतदारसंघातून त्यांनी नशीब आजमावले
परंतु शिवसेनेच्या श्रीरंग बारणे यांनी पार्थ पवार यांना पराभूत केले
तेव्हापासून त्यांनी निवडणूक लढवली नाही परंतु संघटनेत कार्यरत आहेत
पक्षाच्या बैठक आणि प्रचाराचे नियोजन, आदी कामांत पार्थ पवार यांचा सहभाग असतो
आता पार्थ पवार राजकारणातील आपली दुसरी इनिंग सुरू करतील