TRENDING:
पैठणच्या ढोरकीन गटात शिवसेनेच्या राधिका दिलीप जगताप आघाडीवर आहेत. याशिवाय चितेगाव गटात शिवसेनेचे कृष्णा गिधाने यांनी आघाडी घेतली आहे. तर बिडकिन गटातून ठाकरे गटाचे मनोज पेरे आघाडीवर आहेत. इथं शिवसेनेच्या दोन्ही गटात कांटे की टक्कर बघायला मिळत आहे.
इथं माजी आमदार संजय वाघचौरे यांच्या पत्नी सुनिता वाघचौरे मात्र पिछाडीवर पडल्या आहेत. पैठण तालुक्यात एकूण ९ जिल्हा परिषद गट आहेत. यात पिंपळवाडी, बिडकीन, पाचोड, नांदर, विहामांडवा, नवगाव, ढोरकीन आणि दावरवाडी अशा गटाचा समावेश आहे.
advertisement
आघाडी–पिछाडीचे चित्र
पैठण तालुक्यात शिवसेना (शिंदे गट), शिवसेना (ठाकरे गट), भाजप, काँग्रेस आणि राष्ट्रवादी काँग्रेससह अपक्ष उमेदवार मोठ्या संख्येने रिंगणात असल्याने अनेक गटांत तिरंगी व चौरंगी लढती आहेत. पिंपळवाडी (अनुसूचित जातीसाठी राखीव) गटात दलित-मुस्लिम, मराठा आणि ओबीसी मतांचे विभाजन निकालावर प्रभाव टाकणार असल्याचे संकेत मिळत आहेत.
पैठणमध्ये पक्षनिहाय चित्र काय?
शिवसेना (शिंदे): 2
शिवसेना (ठाकरे): 1
भाजप: 00
काँग्रेस:00
राष्ट्रवादी / अपक्ष: 00
खरं तर, पैठण तालुका छत्रपती संभाजीनगरचे खासदार संदीपान भुमरे यांचा बालेकिल्ला मानला जातो. इथून अनेकदा भुमरे आमदारकीला निवडून आले आहेत. सध्या त्यांचे पुत्र विलास भुमरे येथील आमदार आहेत. त्यामुळे भुमरेच्या बालेकिल्ल्यात काय होणार? याकडे सगळ्यांचं लक्ष लागलं आहे. इथं शिंदे गटाला मात देण्यासाठी भाजपकडून प्रयत्न केले जात आहेत. त्यामुळे या अंतर्गत कुरघोडीवर कोण सरस ठरणार हे लवकरच स्पष्ट होईल.
पिंपळवाडी गटात काँग्रेसचे सदानंद खडसण, भाजप पुरस्कृत रामनाथ केदारे, शिवसेना शिंदे गटाचे दादासाहेब गलांडे आणि भरत मुकुटमल यांच्यात चुरशीची लढत आहे.
पैठणमधील हाय होल्टेज लढती
नांदर गण: ठाकरे गटाचे डॉ. सुनील शिंदे × शिंदे गटाचे उदयसेन काळे
पाचोड गट: शिवराज भुमरे (ZP) यांच्याकडे लक्ष
बिडकीन गट: मनोज पेरे × भाजपचे विजय चव्हाण