दमट हवामानाचा परिणाम, गहू पिकांवर फुफुंदी मावा रोगाचा प्रदुर्भाव? असं करा व्यवस्थापन

छत्रपती संभाजीनगर : छत्रपती संभाजीनगर जिल्ह्यासह मराठवाड्यात फेब्रुवारीत ढगाळ आणि दमट वातावरण जाणवत आहे. या वातावरणामुळे सध्या गहू पिकांवर फुफुंदी मावा रोग झपाट्याने पसरण्याची शक्यता आहे. फुफुंदी मावा रोगामुळे दाणे हलके होतात आणि दाण्याची गुणवत्ता कमी होते. याशिवाय करपा रोग पानांवर पिवळी आणि तपकिरी डागे निर्माण करतो. करपा रोगामुळे पिकाची वाढ मंदावते आणि उत्पादन घटते. त्यामुळे शेतकऱ्यांनी योग्य वेळी उपाययोजना न केल्यास नुकसान जास्त होऊ शकते. त्यामुळे चांगले उत्पादन आणि उत्पन्न मिळवण्यासाठी नेमकं काय काळजी घेतली पाहिजे याबद्दल सविस्तर माहिती लोकल 18 च्या माध्यमातून जाणून घेऊ.