मासे पकडायला नदीत उतरले, मगरीनं सावज हेरलं, सांगलीत अडीच तास जीवघेणा थरार

नेमकं घडलं काय?

कृष्णा नदीकाठावर बायपास पुलाखाली कठड्यावरून मासे पकडले जातात. तौफिक अल्लाउद्दीन कुरणे (वय 35) आणि संजय संभाजी लोंढे (वय 38) हे गेल्या काही वर्षांपासून या ठिकाणी गळ टाकून मासे पकडतात. शनिवारी दुपारच्या सुमारास दोघेजण मासे पकडण्यासाठी बायपास पुलाखाली आले. गुडघाभर पाण्यात उतरून पुलाच्या पहिल्या कॉलमच्या कठड्यावर गेले. त्या ठिकाणी उभा राहून त्यांनी मासे पकडण्यास सुरुवात केली.

advertisement

जोतिबाच्या नावानं चांगभल! गुलालाने माखलेला खोबऱ्याचा तुकडा, त्यावरच साकारला दख्खनचा राजा, Video

कठड्यावर उभा राहून मासे पकडत असतानाच त्यांचा काठावर येण्याचा मार्ग मगरीने अडवला. दोघेजण बाहेर येण्याचा प्रयत्न करत असताना मगर डोके वर काढून हल्ल्याच्या तयारीत पुढे आली. त्यामुळे ते घाबरले आणि आरडाओरडा सुरू केला. परंतु, दुपारची वेळ असल्याने जवळपास कुणी नव्हतं. त्यांचा आरडाओरडा सुरू असतानाच मगर पाण्यात बुडाली.

मगर पुन्हा पाण्यात गेल्यावर दोघांनी पुन्हा बाहेर पडण्याचा प्रयत्न केला. तर लगेच मगरीने डोके वर काढले. त्यामुळे पुन्हा ते कठड्यावर गेले. दोन ते अडीच तास हा थरार सुरू होता. आरडाओरडा ऐकून काहींनी हा प्रकार मोबाईल कॅमेरात टिपला. तसेच मदतीसाठी रेस्क्यू टीमला बोलावण्यात आले. पण तत्काळ बोट मिळाली नाही. तेव्हा रेस्क्यू टीमचे कैलास वडर यांनी मच्छीमारांच्या काईलीतून त्यांना बाहेर काढले.

दरम्यान, रेस्क्यू टीममुळे हा अडीच तासांचा जीवघेणा थरार संपला आणि दोघांनी सुटकेचा नि:श्वास सोडला. गेल्या काही वर्षात या ठिकाणी ते मासे पकडत होते. परंतु, असा अनुभव पहिल्यांदाच आल्याचे त्यांनी सांगितले. आता या पुलाखाली मासे पकडण्यास पुन्हा फिरकणार नाही, असंही ते म्हणाले.