पसूल जिल्हा परिषद निवडणूक निकाल 2026 : पसूलमध्ये सत्ता कुणाची? विश्वजीत कदमांना बालेकिल्ला शाबूत ठेवण्यात यश?

दुधोंडी गटामध्ये देखील राजकीय संघर्ष तीव्र असून, तिथे काँग्रेसच्या वर्षा जाधव आणि भाजपच्या अनिता पाटील यांच्यात चुरशीची लढत होत आहे. पलूस तालुक्यात महाविकास आघाडीतील घटक पक्ष असलेल्या राष्ट्रवादी शरद पवार गटाचे काही नेते भाजपमध्ये गेल्यामुळे काँग्रेससमोर नवीन आव्हाने उभी राहिली आहेत. अशा परिस्थितीत विश्वजीत कदम आपला बालेकिल्ला शाबूत ठेवण्यात यशस्वी होतात का, याकडे सर्वांचे लक्ष आहे.

advertisement

आज म्हणजेच 9 फेब्रुवारीला या सर्व 4 गटांचे निकाल जाहीर होणार असून, विजयाचा गुलाल कोण उधळणार याची उत्सुकता शिगेला पोहोचली आहे. तालुक्यातील मतदारांनी नोंदवलेला विक्रमी टक्का हा प्रस्थापित सत्तेच्या बाजूने जातो की परिवर्तनाची लाट आणतो, हे काही तासांतच स्पष्ट होईल. पलूसच्या या निकालाचा परिणाम केवळ तालुक्यावरच नाही, तर संपूर्ण सांगली जिल्ह्याच्या सत्तेच्या समीकरणावर होणार आहे.