भाजपमध्ये जाणार? अखेर प्रणिती शिंदेंनी 24 तासानंतर सुजात आंबेडकरांना सुनावलं

महापालिका निवडणूक पार पडल्यानंतर प्रणिती शिंदे भाजपमध्ये प्रवेश करणार असल्याचा दावा सुजात आंबेडकर यांनी केल्याने सोलापूरच्या राजकीय वर्तुळात चर्चांना उधाण आले आहे. जाहीर सभेत बोलताना सुजात आंबेडकर यांनी थेट आरोप करत म्हटले की, प्रणिती शिंदे आणि राज्याचे मुख्यमंत्री देवेंद्र फडणवीस यांच्यात आधीच राजकीय तडजोड म्हणजेच डील ठरलेली आहे. प्रणिती शिंदे या ऑक्टोबर महिन्यातच भाजपमध्ये जाणार होत्या. मात्र, आगामी नगरपालिका, महानगरपालिका आणि जिल्हा परिषद निवडणुकांवर त्याचा परिणाम होऊ नये म्हणून देवेंद्र फडणवीस यांनी त्यांना तोपर्यंत काँग्रेसमध्येच थांबण्यास सांगितले आहे.

advertisement

सुजात आंबेडकर यांच्या वक्तव्याने राजकीय वर्तुळात चर्चांना उधाण 

सुजात आंबेडकर यांच्या वक्तव्याने आज दिवसभर काँग्रस - भाजपमध्ये आरोप प्रत्यारोपाचं राजकारण पाहायला मिळाले. राजकीय वर्तुळात दिवसभर चर्चांना उधाण आले होते. अखेर इन्स्टाग्राम या सोशल माध्यमावर स्टोरी लिहीत काँग्रेस खासदार प्रणिती शिंदे यांनी संभ्रम निर्माण करणाऱ्या वक्तव्यांचा चांगलाच समाचार घेतला आहे. जनमाणसात संभ्रम निर्माण करणारे वक्तव्य विरोधकांना मदत करतात, याचे भान मित्रपक्षाने ठेवावे,असे म्हणत सुनावले आहे.

काय म्हणाल्या प्रणिती शिंदे?

Normally अशा विधानांना मी उत्तर देत नसते पण महापालिका निवडणुकांना सामोरे जात असताना अशी विधानं जनमानसात संभ्रम निर्माण करतात आणि एक प्रकारे विरोधकांना मदत करतात याचे भान प्रत्येक मित्र पक्षाने ठेवावे. माझ्या विधानसभेच्या आणि लोकसभेच्या निवडणुकीत देखील अशा अफवा पसरवल्या गेल्या होत्या. अशा अफवांना बळी पडू नका आणि संविधानाच्या उरावर बसू पाहणाऱ्या धूर्त शत्रूशी आपला लढा आहे ... अशी बेलगाम विधानं करून आपली लढाई कमकुवत करू नका हीच माझी त्यांना विनंती आहे.

हे ही वाचा :

Pankaja Munde: परळीचा राजकीय वारसदार ठरला, पंकजा मुंडेंची भरसभेत मोठी घोषणा